अपीहिमाल गाउँपालिकामा उत्पादन भएको स्याउ स्थानीय बजारमा पुगेको छ । भदौ अन्तिम सातादेखि किसानले उत्पादन गरेका स्याउ बिक्री समेत हुन थालेको हो । अपीहिमालको खण्डेश्वरी, मकरीगाडको स्थानीय स्याउ पुगेको व्यापारीहरु बताउँछन् । यो वर्ष हिमाली क्षेत्रमा स्याउको राम्रो फल लागेको किसानहरुले बताएका छन् । अपिहिमाल–२, ३ र ४ मा यो वर्ष स्याउ उत्पादन राम्रो हुँदा किसान खुसी छन् ।
दुई महिनासम्म बजेट शून्यतामा रहेको सुदूरपश्चिम प्रदेश सरकारले सोमबार आर्थिक वर्ष २०८१/८२ का लागि ३१ अर्ब ६२ करोड ९८ लाख २८ हजार रुपैयाँको बजेट ल्याएको छ ।
सरकारले प्रदेश सभाको सोमबारको बैठकमा चालु आर्थिक वर्षको बजेट पेस गर्ने तयारी गरेका बेला प्रतिपक्षी दलका सांसदहरुले वैधानिकताको प्रश्न उठाउँदै विरोध गरेपछि सभामुख भीमबहादुर भण्डारीले २० मिनेटका लागि स्थागित गरेका छन् ।
दार्चुला सदरमुकाम खलंगा बजारको एक घरमा जुवा खेलिरहेका ८ जनालाई प्रहरीले पक्राउ गरेको छ । महाकाली नगरपालिका–४ स्थित विद्यानगर टोलबाट आइतबार साँझ उनीहरू पक्राउ गरिएको प्रहरीले जनाएको छ ।
कञ्चनपुरमा बाढी र डुबानका कारण विस्थािपत भएकाहरुमध्ये अधिकांश घर फर्किएका छन् । जिल्ला प्रहरी कार्यालयका अनुसार विस्थापित भएका ३ सय ७ परिवारमध्ये अधिकांश घर फर्किएका छन् ।
बैतडीको पाटन नगरपालिका–५ का चार जनामा डेंगु संक्रमण पुष्टि भएको छ । संक्रमितमध्ये तीन जना गाउँमै बस्ने र एक जना गाउँ बाहिरबाट आएको बुझिएको पाटन प्राथमिक स्वास्थ्य केन्द्रले जनाएको छ ।
महाकाली नदीमा पानीको बहाव घटेको छ । तर नदीले चार लेनको पक्की पुलको छेउमा निर्माणाधीन पोखरीको गाइड बण्ड कटान भने रोकिएको छैन । बाढीले गाइड बण्ड भत्काएर पोखरी भरिएको छ ।
जबरजस्ती करणी गरेको आरोपमा जिल्ला अदालत डोटीबाट दोषी ठहर भएका एक अभियुक्त ९ वर्षपछि पक्राउ परेका छन् । प्रहरीले आइतबार बिहान दिपायल सिलगढी नगरपालिका वडा नं. ७ उडीतोला बस्ने ४७ वर्षीय रामबहादुर खड्कालाई अदालतबाट दोषी ठहर भएको ९ वर्षपछि पक्राउ गरिएको डीएसपी भीमलाल भट्टराइले जानकारी दिए ।
पाँच दिनदेखि अवरुद्ध भएको बझाङको विद्युत् सेवा अझै सुचारु हुन सकेको छैन । विद्युत् अवरुद्ध भएसँगै सदरमुकाम चैनपुरमा खानेपानीको समेत हाहाकार हुन थालेको छ ।
जिल्लामा नेपाल टेलिकमको इन्टरनेट सेवा अवरुद्ध भएको छ । डडेल्धुरामा अप्टिकल लाइनमा समस्या आएपछि २४ घण्टादेखि इन्टरनेट सेवा अवरुद्ध हुन पुगेको नेपाल टेलिकम दार्चुलाले जनाएको छ ।
तीन दिनसम्म परेको वर्षापछि खसेको पहिरोले बैतडीमा ९ परिवार विस्थापित भएका छन् । बैतडी जिल्लाको सूर्नया गाउँपालिका–८ ढोलेका ९ परिवार विस्थापित भएको वडा कार्यालयले जनाएको छ ।
गत असारको बाढीले घरमा क्षति पुर्याएपछि विस्थापित भएका दोधारा चाँदनी–३ पटेराखल्लाका बासिन्दा फेरि बिचल्लीमा परेका छन् । असारमा क्षति भएको घर मर्मत गरेर जेनतेन फर्किरहेका पटेराखल्लावासी राम्ररी पुनःस्थापित हुन पाउँदै शुक्रबार फेरि विस्थापित भएका हुन् ।
२१.१२°C काठमाडौं
