पर्सा कालिकामाई गाउँपालिका–५ का ४५ वर्षीय विक्रम ठाकुरले गाउँकै साहु प्रमोद राउत बरैसँग २०७६ मंसिर १४ मा ३ लाख रुपैयाँ ऋण लिए । साहुले विक्रमकी पत्नी पुनम देवीसँग त्यसबापत १५ लाख रुपैयाँको कपाली तमसुक गराए ।
सामाजिक सञ्जाल दुरुपयोगको आरोपमा पर्सा प्रहरीले एक युवकलाई पक्राउ गरेको छ । पक्राउ पर्नेमा वीरगन्ज महानगरपालिका–१५ लक्ष्मणवाका २१ वर्षीय ओमकुमार पटेल छन् ।
सिरहाबाट स्रोत नखुलेको अवैध रकमसहित तीन जना पक्राउ परेका छन् । सिरहा प्रहरीले गत शुक्रबार नै उनीहरूलाई अवैध रकमसहित पक्राउ गरेको हो । प्रहरीका अनुसार, पक्राउ पर्नेमा सप्तरीको राजविराज नगरपालिका-१० का ५७ वर्षीय मजित मियाँ, सोही ठाउँ बस्ने वर्ष २८ का मोहम्मद अलाहउद्दिन र २३ वर्षीय अजय चौधरी छन् ।
प्रहरीले लागूऔषध ब्राउन सुगर तस्करीको आरोपमा एक भारतीय नागरिकलाई पक्राउ गरेको छ । पक्राउ पर्नेमा भारत बिहार जिल्ला मोतिहारी थाना आदापुर बस्ने २३ वर्षीय विकास कुमार पटेल छन् ।
उन्नत र स्थानीय जातका गाईका लागि सुविधायुक्त छुट्टाछुट्टै गोठ छन् । २० बिघा जग्गामा हरियो घाँस रोपिएको छ भने गोदाममा भुसा, पराल र अन्य आहारा पर्याप्त छन् । ९८ वर्ष पुरानो सरकारी स्वामित्वमा रहेको महोत्तरीको गौशाला नगरपालिका–३ नवराजपुरस्थित निगौल गाई गौशाला अहिले सरकारी बेवास्ता, राजनीतिक दोहन र स्वामित्वको खिचातानीले अस्तव्यस्त बनेको छ ।
पूर्व–पश्चिम महेन्द्र राजमार्गअन्तर्गत बाराको निजगढ नगरपालिका-८ उनासी पुलबाट आइतबार मध्यराति यात्रुवाहक बस खस्दा १ जनाको मृत्यु भएको छ । बसमा सवार ४३ यात्रु घाइते भएका छन् ।
आयातकर्ताले नलगेर सिर्सिया सुक्खा बन्दरगाहमै कुहिएर रहेका मालवस्तु व्यवस्थापनमा मात्र ५५ लाख रुपैयाँ खर्च लाग्ने भएको छ । बन्दरगाहस्थित भन्सार कार्यालयले ३ सय ४ वटा यस्ता कन्टेनर लिलाम प्रक्रियामा लगेपनि २ सय १७ कन्टेनरमा कुहिएका वस्तु लिलाम नभएपछि ती वस्तुलाई व्यवस्थापन गर्नु पर्ने भएकाले व्यवस्थापनमै यति रकम लाग्ने अनुमान भएको हो ।
विगत ५ महिनादेखि अवरुद्ध रहेको नारायणी अस्पतालको एमआरआई मेसिनको सेवा आइतबारदेखि सञ्चालनमा आएको छ । सञ्चालनमा आएको ६ महिना नबित्दै ३० करोड रुपैयाँमा खरिद गरिएको एमआरआई मेसिनको सेवा अवरुद्ध बनेको थियो । आपूर्तिकर्ता कम्पनीले बाँकी रहेको २० प्रतिशत भुक्तानी नपाएका कारण सफ्टवेयर अपडेट नगर्दा एमआरआई मेसिनमा समस्या देखिएको थियो ।
लोकतान्त्रिक समाजवादी पार्टी (लोसपा) को मधेश प्रदेश संसदीय दलको नेतामा जितेन्द्र सोनल नियुक्त भएका छन् । लोसपाले सोनललाई आइतबार मधेश प्रदेशसभाको संसदीय दलका नेतामा नियुक्त गरेको हो ।
जनकपुर उद्योग, वाणिज्य संघको अध्यक्षमा सुरेन्द्र भण्डारी निर्वाचित भएका छन् । उनले १ हजार ६ सय ४४ सय मत ल्याई विजयी भएका हुन् । उनी एमाले समर्थित हुन् ।