José Gómez Posada-Curros

José Gómez Posada-Curros

Biografía
Nacemento	1900 Vigo, España
Morte	30 de xaneiro de 1996 (95/96 anos) Vigo, España
Actividade
Ocupación	xornalista, escritor
Membro de	Real Academia Galega (membro correspondente)
Familia
Pai	José Gómez Veiga
Premios
(1995)  Medalla Castelao

José Gómez Posada-Curros, nado en Vigo en 1900 e finado na mesma cidade o 30 de xaneiro de 1996, foi un xornalista e escritor galego.

Traxectoria

Fillo do compositor e concertista compostelán José Gómez Veiga e Concepción Posada Román. Estudou Maxisterio na Escola Normal de Santiago de Compostela. Doutor en Filosofía e Letras, foi catedrático de bacharelato no instituto de Lugo.

Con 17 anos dirixiu o semanario estudantil Maruxa e ao ano seguinte a revista La Raza; a finais de 1924 dirixiu La Última Hora e ao ano seguinte fundou e dirixiu Vida Céltica. Foi o último xornalista que entrevistou a Ramón María del Valle-Inclán. En 1926 estreouse a súa comedia dramática Amor de Amores. Foi redactor de Faro de Vigo, onde dirixiu a súa "Página Literaria" en 1923, e El Pueblo Gallego e arquiveiro do Concello de Vigo, onde recompilou as Ordenanzas de la Villa dende 1560.

En 1922 participou como actor na representación da obra Trebón de Armando Cotarelo Valledor, e antes diso escribira o libreto dunha zarzuela en galego chamada O sangue berra, con música de Lozano. En 1944 escribiu a obra coral en castelán Canción Galega, publicada en 1991 en galego co título de Nin me abandonarás nunca con tradución de Xosé Luís Méndez Ferrín. Esta obra foi levada a escena en 1994 polo Centro Dramático Galego.

Foi membro correspondente da Real Academia Galega. Foi presidente da Asociación da Prensa de Vigo. Recibiu a Medalla do Traballo en 1980 e a Xunta de Galicia concedeulle a medalla Castelao en 1995.

Obras

• Alejandro Herculano en España y su influencia en la literatura nacional y gallega, 1994.
• Recuerdos y vivencias con recreación compostelana.
• Nin me abandonarás nunca, 1995.

Véxase tamén

Bibliografía

• Giráldez Lomba, Antonio (2010). 200 memorias de Vigo (en castelán). Caixanova, Faro de Vigo e Alcaldía de Vigo. p. 110. VG 955-2010. 
• Gómez Posada-Curros, J. e de Gálvez, L. (1995): Nin me abandonarás nunca. Xunta de Galicia. ISBN 978-84-453-1283-9

Ligazóns externas

• Necrolóxica en El País (en castelán)
• Homenaxe a Posada-Curros, co gallo da imposición da medalla do traballo