Bibiano Fernández Osorio-Tafall

Bibiano Fernández Osorio-Tafall

Biografía
Nacemento	3 de decembro de 1902 Salcedo, España
Morte	13 de agosto de 1990 (87 anos) Cidade de México
Lugar de sepultura	Cemiterio de Santo Amaro de Pontevedra
Deputado nas Cortes republicanas
Representa: Izquierda Republicana 24 de febreiro de 1936 – 2 de febreiro de 1939 Lexislatura: III lexislatura da Segunda República Española Circunscrición electoral: Pontevedra
Alcalde de Pontevedra
1936 – 1936 ← Tomás Abeigón Pazos – Manuel García Filgueira →
Deputado nas Cortes republicanas
Representa: Esquerra Republicana de Catalunya 13 de xullo de 1931 – 9 de outubro de 1933 Lexislatura: I lexislatura da Segunda República Española Circunscrición electoral: Pontevedra
Alcalde de Pontevedra
1931 – 1934 ← Manuel Casqueiro Paz – Ramón Segura de la Garmilla →
Presidente da Deputación de Pontevedra
1931 – 1931 ← Amancio Caamaño – Amancio Caamaño →
Actividade
Lugar de traballo	Madrid
Ocupación	político, catedrático, científico
Empregador	Instituto Politécnico Nacional
Partido político	Izquierda Republicana
Familia
Cónxuxe	Josefina Arruti Viaño (1929–)
Fillos	José Ángel Fernández Arruti
Premios
(1989)  Medalla Castelao

Bibiano José Manuel Ramón Fernández Osorio, coñecido como Bibiano Fernández Osorio-Tafall, nado en Salcedo (Pontevedra) o 3 de decembro de 1902 e finado na Cidade de México o 13 de agosto de 1990, foi un científico e político galego, funcionario da Organización das Nacións Unidas.

Traxectoria

Ata a guerra civil

Foi doutor en Ciencias Naturais e secretario da Misión Biolóxica de Galicia con Cruz Gallástegui. Membro da ORGA, foi alcalde de Pontevedra, presidente da Deputación e deputado nacional en dúas lexislaturas. Presidiu en 1932 a Asemblea de Municipios celebrada en Santiago para discutir e redactar o proxecto de Estatuto de Autonomía que se plebiscitou en 1936, tras o seu paro durante dous anos por cuestións políticas. Presidiu o Comité Central de Autonomía. En 1934 foi destituído da alcaldía de Pontevedra e da dirección do Instituto de Pontevedra polo gobernador civil Diego Fernández Gómez no marco dos sucesos da folga xeral revolucionaria de 1934.

Ossorio-Tafall era secretario da Xunta Nacional de Izquierda Republicana. Logo das eleccións de 1936, despois de ser novamente alcalde tras a reposición da corporación saída das eleccións municipais do 12 de abril de 1931, ocupou as subsecretarías de Traballo e Gobernación, sendo substituído na alcaldía de Pontevedra polo comunista Manuel García Filgueira á súa marcha a Madrid. Posteriormente foi director de Política, o órgano de Izquierda Republicana.

Membros do SEG en 1928. De esq. a d. De pé: Otero Pedrayo, Losada, Cuevillas, Risco, Carballo Calero, Filgueira, García Paz, Pintos, Fraguas e Osorio-Tafall. Sentados: Parga, Moralejo, Carro, Cabeza de León, Arias, Limeses e Novás.

En abril de 1938, durante a guerra civil española, Osorio-Tafall foi nomeado Comisario Xeral do Exército da República Española.

No exilio

Coa derrota militar e política, Osorio-Tafall exiliouse primeiro a Francia, onde foi secretario xeral do SERE (posto do que dimitiu en outubro de 1939), e en 1940 marchou a Santo Domingo acompañado de Ione Robinson, para finalmente recalar México, onde foi profesor na Universidade Autónoma de México e do Instituto Politécnico. En 1948 incorporouse á ONU; no 55 foi director da Oficina de Agricultura en Chile, e logo en Indonesia e en Exipto. No 64 estivo á fronte das operacións de pacificación na República Democrática do Congo e en Chipre, neste caso como representante especial plenipotenciario do secretario xeral da ONU. Xubílase como subsecretario xeral da ONU.

Durante a Transición española, o presidente do Goberno Adolfo Suárez convidouno a encabezar a primeira Xunta preautonómica, pero el declinou o ofrecemento por falta de apoios.

No últimos anos volveu a Galicia tres veces en breves visitas.

Vida persoal

Estivo casado con Josefina Arruti, coa que tivo 3 fillos. Despois da Guerra no exilio tivo outro fillo coa mexicana Luz.

Legado

En 2023 Xosé Monteagudo publicou a novela Vémonos mañá, na que novela a vida de Bibiano e Josefina.

Galería de imaxes

• 
  Lista de profesores do instituto de Pontevedra, curso 1928-29.
• 
  Nunha conferencia en 1935.
• 
  Suspensión de emprego e soldo, separación definitiva do corpo.

Véxase tamén

Bibliografía

• Álvarez, Santiago (1992). Osorio Tafall: su personalidad, su aportación a la Historia (en castelán). Ediciós do Castro. ISBN 84-7492-609-2. 
• Cores Trasmonte, Baldomero (1976). El estatuto de Galicia (en castelán). Librigal. ISBN 84-7383-004-0. 
• Otero Guldrís, Francisco (2005). Gran Enciclopedia Galega Silverio Cañada (DVD). El Progreso. ISBN 84-87804-88-8. 
• Pardo Teijeiro, Xosé Francisco (2010). Bibiano Fernández Osorio-Tafall. Un científico e político galego no exilio. Vigo: Edicións A Nosa Terra. ISBN 978-84-8341-452-1. 
• Rodríguez Galdo, María José (setembro de 2007). "Unha achega a distintas personalidades do exilio galego en México" (PDF). Claridade (Fundación Luís Tilve): 72–76. 
• "Fernández Osorio-Tafall, Bibiano". Dicionario biográfico de Galicia 2. Ir Indo Edicións. 2010-2011. p. 77. 

Ligazóns externas

• Expediente académico no Instituto de Pontevedra.
• Fernández Prieto, Lourenzo; Fraga Vázquez, Xosé A. (2012). "Bibiano Fernández Osorio-Tafall". Álbum da Ciencia do Consello da Cultura Galega. 
• Fandiño Veiga, Xosé Ramón. "Bibiano Fernández Osorio-Tafall". Álbum da JAE do Consello da Cultura Galega. 

Predecesor: Manuel Casqueiro Paz	Alcalde de Pontevedra 1931 - 1934	Sucesor: Ramón Segura de la Garmilla.
Predecesor: Tomás Abeigón Pazos	Alcalde de Pontevedra 1936	Sucesor: Manuel García Filgueira
Predecesor: Amancio Caamaño	Presidente da Deputación de Pontevedra 1931	Sucesor: Amancio Caamaño