María José Alonso

María José Alonso

(2014)
Biografía
Nacemento	22 de decembro de 1958 (65 anos) Carrizo de la Ribera, España
Educación	Universidade de Santiago de Compostela
Actividade
Ocupación	farmacóloga, profesora universitaria, académica
Premios
(2022)  Premio Nacional de Investigación Juan de la Cierva (2020)  Medalla de Prata ao Mérito na Investigación e na Educación Universitaria (2018)  Medalla Castelao (2013)  Premio María Josefa Wonenburger Planells (2011)  Premio Xaime I ás Novas Tecnoloxías  Fellow of the American Institute for Medical and Biological Engineering (en)  Fellow of the Controlled Release Society (en)
Páxina web	usc.es…

María Josefa Alonso Fernández, nada en Carrizo de la Ribera (provincia de León) o 22 de decembro de 1959, é unha farmacéutica, catedrática e académica galega especializada no campo das nanopartículas como vehículo de medicamentos.

Traxectoria

En 1981 licenciouse en Farmacia pola Universidade de Santiago de Compostela, e en 1985 acadou o doutoramento con premio extraordinario. Nese mesmo ano foi nomeada profesora axudante do Departamento de Tecnoloxía Farmacéutica de dita Universidade. É docente deste departamento desde entón e, desde 1998, como catedrática.

Nos anos 1986-87 iniciou a súa actividade no campo das nanopartículas como sistemas de liberación de fármacos na Universidade de París XI. En 1988 traballou como investigadora na Universidade de Angers, onde foi científica visitante, e no Instituto Tecnolóxico de Massachussets (1991-92 e 2012).

Foi vicerreitora de Investigación e Innovación da USC desde 2006 até 2010.

O seu laboratorio na Facultade de Farmacia da USC foi pioneiro en numerosos descubrimentos no campo da nanofarmacéutica e da nanomedicina. É autora de máis de 260 contribucións científicas, con máis de 14 900 citas, e a inventora de 20 patentes.

Actividades realizadas

Dirixiu 25 proxectos financiados por institucións públicas, entre eles varios proxectos europeos e financiados por institucións internacionais como a OMS e a Bill & Melinda Gates Foundation. É autora de 97 publicacións científicas en revistas internacionais de alto impacto na área da liberación de fármacos, de dezasete capítulos de libros e de oito patentes. Así mesmo, ten participado como conferenciante invitada en trinta congresos internacionais.

Foi membro do comité científico e organizadora de numerosos congresos e cursos de ámbito internacional. É fundadora e presidenta da Sociedade Hispano-Portuguesa de Liberación Controlada (1995). É a coordinadora da Rede Temática de Investigación en Sistemas de Liberación de Moléculas Activas (SLMA). Por iniciativa da Sociedade Europea para a Ciencia (NSF), liderou grupos de traballo sobre a Nanomedicina, e é responsable da división de educación e comunicación da Plataforma Tecnológica Española de Nanomedicina.

É fundadora da asociación Spanish Portuguese Chapter of the Controlled Release Society e presidenta da súa xunta directiva (1995-97), así como secretaria da mesma (1997-2000), Governor da Controlled Release Society (1995-1998) e, desde 2018, presidenta da institución, membro do Board of Pharmaceutical Sciences da International Pharmaceutical Federation (1998-2000), membro de Scientific Advidsory Board da Association de Pharmacie Galénique Industrielle (1997-2000) e pertence á European Federation for Pharmaceutical Sciences.

É tamén membro do American Institute for Medical and Biological Engineering (Instituto Estadounidense de Enxeñaría Médica e Biolóxica), e da US National Academy of Medicine (Academia Nacional de Medicina dos Estados Unidos).

Así mesmo, e membro do comité editorial das seguintes revistas internacionais:

• Pharmaceutical Research,
• Journal of Controlled Release,
• International Journal of Pharmaceutics,
• European Journal of Pharmaceutics and Biopharmaceutics,
• European Journal of Pharmaceutical Sciences,
• Drug Development and Industrial Pharmacy,
• Drug Delivery Sciences & Technologies e J. Microencapsulation.

M. J. Alonso está incluída na clasificación dos dez maiores expertos mundiais en farmacoloxía e toxicoloxía, elaborado polo Times Higher Education, co que se converteu na primeira española en alcanzar este posto. O ránking do índice h, o indicador máis relevante do impacto das publicacións científicas dentro dunha área específica, outórgalle un índice-h 71, a posición máis alta entre todas as investigadoras que figuran na lista en calquera dos ámbitos científicos indexados. Dende o ano pasado, Alonsofigura como a científica máis influente no eido das Ciencias da Saúde, posto no que se mantén neste 2019.

A profesora Alonso é membro da

• Real Academia de Farmacia de Galicia,
• Real Academia Galega de Ciencias,
• Real Academia Nacional de Farmacia de España.
• En 2023 a revista Gciencia considerouna unha das 20 mulleres de ciencia en Galicia que había que coñecer.

Premios

• 1985: Premio extraordinario de doutoramento en Farmacia, USC.
• 2011: Premio Jaume I de Novas Tecnoloxías.
• 2011: Premio Nóvoa Santos.
• 2013: Premio Mª Josefa Wonenburger.
• 2014: Premio Maurice-Marie Janot.
• 2018: CRS Founders Award (Premio Fundadores da CRS).
• 2018: Medalla Castelao.
• 2021: Premio Juan de la Cierva.
• 2022: Doutora honoris causa pola Universidade de Nottingham (Reino Unido).

Véxase tamén

Bibliografía

• Barrera, F., ed. (2002). Gallegos. Quién es quien en la Galicia del siglo XXI. El Correo Gallego. p. 21-22. ISBN 84-8064-113-4. 

Outros artigos

• A ciencia ten nome de muller (en Wikibooks).

Ligazóns externas

• Mujeres en ciencia e Innovación Arquivado 26 de xuño de 2022 en Wayback Machine. páxina web FECYT e UMYC

• "Biografía de María José Alonso" Arquivado 07 de marzo de 2016 en Wayback Machine. El País. 7/10/2011 (en castelán).
• María José Alonso Fernández en Galegos. GaliciaDigital.
• M.J. Alonso Lab Arquivado 29 de novembro de 2014 en Wayback Machine. Currículo de M. J. Alonso, USC (en inglés)
• NanoFar, Erasmus Mundus Joint Doctorate in nanomedicine and pharmaceutical innovation Arquivado 27 de abril de 2012 en Wayback Machine. USC (en inglés)