Hartinkov

Hartinkov
municipo
Flago Blazono
Oficiala nomo: Hartinkov
Ŝtato	Ĉeĥio
Regiono	Regiono Pardubice
Distrikto	Distrikto Svitavy
Administra municipo	Jevíčko
Historia regiono	Moravio
Montaro	Zábřeha montetaro
Rivero	Maratovský potok
Situo	Hartinkov
- alteco	511 m s. m.
- koordinatoj	49° 40′ 50″ N 16° 49′ 12″ O (mapo)
Katastro	5,14 km² (514 ha) Hartinkov
Loĝantaro	53 (2024)
Denseco	10,31 loĝ./km²
Unua skribmencio	1258
Horzono	MET (UTC+1)
- somera tempo	MET (UTC+2)
Poŝtkodo	569 43
NUTS 3	CZ053
NUTS 4	CZ0533
NUTS 5	CZ0533 572284
Katastraj teritorioj	1
Partoj de municipo	1
Bazaj setlejunuoj	1
Situo enkadre de Ĉeĥio Situo enkadre de Ĉeĥio
Vikimedia Komunejo: Hartinkov
Retpaĝo: www.hartinkov.cz
Portalo pri Ĉeĥio

Municipo Hartinkov situas en Ĉeĥio, regiono Pardubice, distrikto Svitavy, en subregiono Malá Haná, sub vertoj de Drahanská vrchovina en Natura parko Bohdalov-Hartinkov, 9 km nordoriente de urbo Jevíčko. En ĉirkaŭaĵo nordoriente leviĝas monteto Sušice (549 m s.m.) kaj okcidente monteto Ousov (587 m s.m.). Vivas ĉi tie 53 loĝantoj (2024).

La najbaraj municipoj de la setlejo estas Vysoká, Bouzov, Vrážné, Chornice kaj Vranová Lhota.

Historio

Ĝis la 13-a jarcento estis areo de la vilaĝo kovrita per faga praarbaro. En la dua duono de 13-a jarcento estis vastaj forstoj ĉi tie koloniigitaj. Aktivis ĉi tie lokigisto Hartung, kies nomo konserviĝis en germana nomo de la vilaĝo "Hartungsdorf" kaj ankaŭ en malnova ĉeĥa nomo "Hartunkov". La germana nomo estas unue skribe menciita en la jaro 1291 en aprobo de urbaj rajtoj de Jevíčko sub kies jurisdikcio Hartinkov apartenis.

Posedantoj de la vilaĝo ŝanĝiĝis, ĝis en tridekaj jaroj de la 17-a jarcento aĉetis ĝin havulo de najbara kastelo Biskupice Jaroslav Drahanovský. El estinta fortikaĵeto en Hartinkov li aranĝis superularan korton en kiu lokaj kamparanoj faris servutajn laborojn. En la 17-a jarcento estis en Moravio kaj ankaŭ en Hartinkov tre vastigita paŝta bredado de ŝafoj por lano.

En la 18-a jarcento disvolviĝis en Hartinkov metiista produktado kaj en la 19-a jarcento ankaŭ lignofaligado kaj lignokarbigado, ĉefe por nova ferfandejo en Vranová Lhota. Sed fine de la jarcento tie la ferproduktado ree malkreskis pro situo de la ferfandejo fore de fervojo, kiu al konkurencaj fandejoj alveturigadis pli hejtvaloran kaj malmultekostan nigran karbon. Nombro de la loĝantoj en Hartinkov poste malkreskis. La unua ondo de amasa foriro de la loĝantaro estis dum ekonomia krizo en tridekaj jaroj kaj la dua ondo ekestis post la Dua Mondmilito, kiam multaj homoj foriris al proksimaj pli riĉaj vilaĝoj, kie akiris bienojn aŭ domojn post ellandigo de germana loĝantaro. Ankaŭ poste ĉefe junaj homoj foriradis en urbojn al nove konstruata industrio. La forlasitajn domojn ekposedadis homoj el urboj, plej multe el Brno kaj Prostějov, por semajnfina ripozado. Tiuj kun daŭra loĝantaro bone kunvivas.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	426
1880	414
1890	385
1900	350
1910	325
1921	299

Jaro	Loĝantoj
1930	287
1950	131
1961	146
1970	140
1980	101
1991	78

Jaro	Loĝantoj
2001	68
2014	53
2016	57
2017	50
2018	52
2019	55

Jaro	Loĝantoj
2020	52
2021	54
2022	54
2023	58
2024	53

Vidu ankaŭ

• Listo de municipoj en Ĉeĥio kun la plej malalta nombro de loĝantoj

Eksteraj ligiloj

• Oficiala paĝaro de mikroregiono Moravská Třebová kaj Jevíčko ĉeĥe
• Monumento al la viktimoj de la 1-a mondmilito