Olifantrob
| Olifantrob | |
|---|---|
| |
| 'n Bul en 'n koei | |
| Wetenskaplike klassifikasie | |
| Koninkryk: | |
| Filum: | |
| Klas: | |
| Orde: | |
| Suborde: | |
| Familie: | |
| Genus: | Mirounga
|
| Spesies | |
Olifantrobbe of see-olifante (Mirounga) is 'n biologiese genus van groot robbe. Olifantrobbe is die grootste lewende roofdiere in die see. Die bulle (mannetjies) kan tot 6.5 meter lank word en het 'n verlengde, slurpagtige snoet wat baie soos 'n olifant se slurp lyk (vandaar die naam). Dié velsak (slurp) word opgeblaas as hulle opgewonde raak.[1][2][3]
Daar is twee spesies, een in die Noordelike en een is die Suidelike Halfrond. Die suidelike olifantrob word in die Antarktiese waters aangetref, terwyl die noordelike olifantrob op die eilande van Kalifornië en Mexiko voorkom.
Olifantrobbe voer 'n swerwers-bestaan in die oseaan. Buiten die broeiseisoen kom hulle net aan wal om te vervel (verhaar). In die laat somer drom honderde olifantrobbe op strande en in modderige poele saam. Hulle lê naby aan mekaar terwyl hulle geleidelik kolle vel en hare afgooi. As die ou vel uiteindelik met 'n nuwe pels vervang is, keer hulle na die water terug.
Die paarseisoen word deur 'n bakleiery tussen die bulle voorafgegaan, wat hulle groot lywe teen mekaar werp. Die wenners paar met die koeie.
Olifantrobbe duik tot 1550 meter diep in die oseaan. Die diepste rekord wat aangeteken is, was 2 388 meter.[4][5][6] Die koeie duik gemiddelde 20 minute lank, terwyl die bulle tot 60 minute (1 uur) onder die water kan bly, op soek na hul gunsteling kos. Hul dieet bestaan uit vlete, inkvisse, seekatte, palings, pikkewyne en klein haaie. Hul mae bevat dikwels klippe wat hulle met hul vertering help.
Die diere is verbasend rats op die land, en kan vinniger as 'n mens oor sandduine beweeg.
Verwysings
[wysig | wysig bron]- ↑ Mirounga. "Elephant seal: profile, facts, information, photos, pictures, sounds, habitats, reports, news -- National Geographic". Animals.nationalgeographic.com. Geargiveer vanaf die oorspronklike op 27 Desember 2016. Besoek op 8 Januarie 2009.
- ↑ "Elephant seals" (in Engels). Parks.ca.gov. 23 Mei 2007. Geargiveer vanaf die oorspronklike op 7 Januarie 2020. Besoek op 8 Januarie 2009.
- ↑ "Elephant Seal – MSN [[Encarta]]" (in Portugees). Encarta.msn.com. Geargiveer vanaf die oorspronklike op 25 Julie 2012. Besoek op 29 Desember 2009.
{{cite web}}: URL–wikilink conflict (hulp) - ↑ Tagging Pacific predators Geargiveer 15 Februarie 2009 op Wayback Machine.
- ↑ Amos, Jonathan (21 Februarie 2006). "BBC NEWS | Science/Nature | Elephant seals dive for science" (in Engels). BBC News. Geargiveer vanaf die oorspronklike op 29 November 2019. Besoek op 8 Januarie 2009.
- ↑ "Census of Marine Life – From the edge of darkness to the black abyss" (PDF). Coml.org. Besoek op 15 Desember 2009.
Eksterne skakels
[wysig | wysig bron]
Wikimedia Commons het meer media in die kategorie Olifantrob.
Wikispecies het meer inligting verwant aan Olifantrob
