無條件基本收入

無條件基本收入（英文：Unconditional Basic Income），簡稱 UBI ，又叫全民基本收入（Universal Basic Income）或基本收入（Basic Income），係指冇任何條件、資格限制，唔需要做資格審查，每個國民或者成員（嗰個國家嘅國民、某地區嘅居民，或者某團體組織嘅成員）都可以定期攞到一定金額嘅錢，由政府或者團體組織發畀所有成員，目的係要滿足人民嘅基本生活需要，包括食物、居住、教育、醫療、公共服務等嘅基本開支，用經濟保障，嚟實現基本人權。無條件基本收入同最低工資嘅分別係，就算冇嘢做都可以攞到呢筆錢，而最低工資係用參加工作做前提條件而攞到嘅最低收入。而家未有政府組織或者團體喺國家層面實施呢個政策，但係有啲國家有做定點實驗或者相關嘅政治討論。