DHALOOTA WAA FALAA

Kitaaba Kuusaa walaloo

Barreessaan:-Abdii Nagahoo Huseen (Abdulqaadir Nagaash Huseen)

Roobee, Arsii, Oromiyaa.

Gulaaltonni:
1. Qajeelaa Hambisaa(Barsiisaa,Barreessaa, Gulaalaafi Ogeessa Giraafiksii)

2. Malkaamuu Taarikuu Amoosaa (MA) ( Barsiisaa seenaa,Barreessaa fi gulaalaa)

3. Abdii Abbiyyoo(, Barreessaa fi Yunivarsiitii Arsiitti Barataa Yaala waldhaansaa)

©Mirgi barreessaa seeran eegamaadha.

📞 Yaadaf ,qeeqaf :

lakk. Bil 📞0982598384

📞 0968598841

Facebook: Abdii Nagahoo Huseen

Telegram channel: https://t.me/Abdii_Nagahoo

Dhaloota Waa Falaa Abdii Nagahoo HuseenFuula2

Qabiyyeewwan

Qabiyyee Fuula
Qabiyyeewwan............................................................................................................................................4
Seensa.........................................................................................................................................................5
Yaadannoo...................................................................................................................................................6
Galata..........................................................................................................................................................7
1. Hundaafuu gaaffidha.............................................................................................................................8
2. Laafaa kootu caala.................................................................................................................................12
3 DACHEE..................................................................................................................................................15
4. Keenya faalladha...................................................................................................................................17
5. madaa natti taate..................................................................................................................................18
6. ANAAFI JIREENYA...................................................................................................................................21
7.Dhugaan kan eenyuti?............................................................................................................................26
8. Salphoo nama gooti...............................................................................................................................30
9. Maalif nu obsite.....................................................................................................................................31
10. Irbuu haalamte....................................................................................................................................34
11. Oromoota dide....................................................................................................................................37
12.Hin jibbinaa maraataa..........................................................................................................................43
13. Abaarsa moo maali....?........................................................................................................................45
14. Maaf dhiiga kee cobsa?.......................................................................................................................46
15.Seera uumatu dabe..............................................................................................................................48
16.Harmee.................................................................................................................................................50
17. Hayyee jedhi nagaatti..........................................................................................................................53
18. Boru darbaaf obsine............................................................................................................................58
19. Kophaatti na hiite................................................................................................................................59
20. Dhaloota waa falaa..............................................................................................................................61
21.Ulaagaan biraa hin jiru.........................................................................................................................65
22. Yerootu waa fida.................................................................................................................................66
23. Anaa kee guddisuuf.............................................................................................................................68
24.MAALIIF KOOLUU GALTE?....................................................................................................................71
25. Soba faana hin deemu.........................................................................................................................77

Dhaloota Waa Falaa Abdii Nagahoo HuseenFuula3

Seensa
Oromoon akka sabaatti saba,saba aadaa, seenaa, duudhaa, afoola,seeraa fi,sirna
mataa ofii qabuudha.Saba seera ittiin wal bulchu liqaa ganda hin deemne ni
liqeessa malee. Maarree qabeenya dilbii inni qabu keessaa tokko afoola, akka
ogeeyyiin afaanii hiikanitti afoolli hambaalee seenaa kan afaanin dhalootaa
dhalootatti darbuudha san keessaa tokko walaloodha.Afoola keessatti fi ummata
oromoo biratti walaloon humni inni qabuu fi gaheen inni qabu
danuudha."Walaloon miiltoo qofa galeessati" jedha Waloo Zalaalam Abarraa
guddichii gumbii walaloo oromoo. Dhuguma miiltoo qofa galeessati kan ittin
kophummaa irraanfattu kan ittiin quuqqaa keessa kee jiru ittiin ibsattu. Kan waan
jaalatte ittiin jajju, kan waan qeequu feeti ittiin qeeqxu. Maarree kennaan xiqqoo
hin qabduu anis kitaaba walaloo xiqqoo mata dureen isaa " DHALOOTA WAA
FALA " jettu tana isiniif hiixadhee narraa fudhaa.

Dhaloota Waa Falaa Abdii Nagahoo HuseenFuula4

Yaadannoo
Kitaabni mata dureen isaa "DHALOOTA WAA FALA " jettu bu'aa dhaloota
qubeeti osoo warri qubee uumanii fi qubeef falman jiraachuu baatanii silaa har'a of
hin barru turre, dhaloonni waa falus hin argamu ture. Dhaloonni waa falu akka
uumamuf warri nuuf wareegaman jiru. keessattuu afaan Oromoo guddisuuf qubee
bocurraa kaasee hanga kitaaba nuuf barreessuu gahan fuulli uumaa isaanitti haa
tolu.

Ani nama tokkoodha siidaa isaanii dhaabee hin danda'u Kitaabni tunis siidaa
dhaabbataa isaani naaf haa tahu.Isaan keessaa muraasa maqaaa kaasa:-

1. Dr. Muhammad Rashaad

2. Hayilee Fidaa

3 . Sheek Bakrii saaphaloo

4. Onosmoos Nasiib (Hiikaa)

5. Abubakar Muussaa

6. Generaal Taaddasaa Birruu fa'aaf

Yaadannoo naaf haa tahu.

Dhaloota Waa Falaa Abdii Nagahoo HuseenFuula5

Galata
Duraan dursee Faarun kan rabbii guddaati kan na uumee tola isaa natti oole.Kan
nama waa yaadu na godhee qubee fi qubeessaa koo walitti michoomsee michuu
lamaan gidduu Waa baase faarun dhuma hin qabne kan isaati.Isaan galata keessan
galchuu hin dandeenye kan biroo haadha fi abbaa kooti. Haadha koo aadde
Hawwaa Muhammad Nuree fi Abbaa koo obbo Nagaash K/ Huseen Gooli
oolmaan keessan akka rooba Samii fi marga lafaa hedduu waan taheef lakkaa'ee
hin fixu fayyaa faana umrii dheeraa isiniif hawwuu malee maalan jedha
galatoomaa.

Itti aansun namoota yaadaf humnaan na cinaa dhaabbattaniif galata waraabamee

hin dhumne na biraa qabdu.obboleeyyan hundumtuu galatoomaa.Keessattu
obboleessa koo kan maalummaa obbolummaa na barsiise Muhammadyaassin
Nagaash oolman ati naaf oolte danuudha lakkaa'ee hin fixu, galata waraabbamee
hin dhumne na biraa qabda. Itti aansun obbolettii koo Aasha Nagaash oolman
obbolummaa ati naaf oolte tilmaamuf rakkisuus obboleetti jechuun maal akka tahe
an sirraahin bare. Obbolettii akka teetii qabaachuu kootti hedduun gammada maatii
kee faana darbii naaf jiraadhu. Toltuun si hin darbin obbolettii koo. Akkasumas
Gulaaltonni kitaaba kana naaf gulaaltan oolmaa guddaa naaf ooltaniif galata bulee
hin samne na biraa qabdu. Barsiisaa Malkaamuu Taarikuu jajjabinni ati gama og-
barruu akka dhufuuf ati naaf laatte akka ani nama har'a tahuuf bu'uura galatoomaa
barsiisaa. Qajeelaa Hambisaa oolman ati kitaaba koo kana keessatti naaf oolte fi
saxaxa isaa naaf hojjachuu keessatti naaf oolte fi akka ani waa barreessuf
kaka’umsa naaf taate boru seenan akka si kaasu hin shakkin akkuma namni
biqiltuu dhaabe firii isaa sooratu namoonni na cinaa dhaabbattan boru bu'aa
dadhabbii keessanii arguun keessan hin oolu nama kaayyoos tahee dadhabbii
keessan bu'aatti jijjiiru qaba. Waahila koo kan og-barruun Oromoo walitti nu fide
Abdii Abbiyoo kitaaba koo keessatti gahee kee waan bahatteef oolmaa danuu kan
hammaaramee hin dhumne na biraa qabda galatoomi. Akkasumas Hiriyyoota koo
Mana barumsaa saddiqaa sadarkaa Lammaffaa galata keessan lakkaa'ee hin
fixu,warri yaadan na cinaa dhaabbattan hunduu galatoomaa.

✍️Abdii Nagahoo Huseen.

Dhaloota Waa Falaa Abdii Nagahoo HuseenFuula6

 1. Hundaafuu gaaffidha
Bilisoomuf kaane

Mana keenyaa yaanee

Tokko jalaa bilisa

Tokkoof garba taane

Kichuu itti wareegnee

Horii itti deegnee

Akka taanu taanee

Tokko galmaan geenye

==

Inni nu ol fuunee

Dhiigan achi keenne

Fuula haguugateera

Nu arguu-n dandeenye

==

Maasaraa ol seennan

Nu dhokfate fuula

Dhaloota Waa Falaa Abdii Nagahoo HuseenFuula7

Diina durii caalaa

Nutti bane duula

==

Warri kalee lole

Taanki fi qalamaan

Akka sangaa fooni

Albeedhan qalaman

==

Kichuun kichuutti citee

Hayyuun wareegamee

Inni keenya jennuun

Nu fixuuf sardamee

==

Ol jooree gad jooree

Nutti baasee mala

Kan nu falaaf eegne

Nuuf tahe falfala

==

Inni afaan beeknu

Dhaloota Waa Falaa Abdii Nagahoo HuseenFuula8

Nu naqee gaashiree

Isaan da'eeffatee Ormi

Morma nurraa ciree

==

Namnummaan nu beeknu

Jijjiirratee amalaa fi bifa

Dukkana nu soore

Nu dhoorkatee ifa

==

Kuni raajiidha

Harkatu harka gane

Tokkorraa bilisa baanaf

Tokkoof garba taane

==

Nama keenya jennee

Dhiichifnee shubbifnee

Harka ofiin nu dhaane

Ilmi harkaan guddifne

==

Dhaloota Waa Falaa Abdii Nagahoo HuseenFuula9

Nu bilisoomsi jennee

Ofiifis sardamne

waaqallee sardinee

Isa durii caalaa gidiraa argine

==

Qe'een keenya goolamee

Qe'een ormaa cidhaa

Maaltu maal akka tahe

Hundaafuu gaaffidha

==

Dachaan duguugamee

Lubbuun ilma namaa

Hunda ijaan argine

Gocha badaaf hamaa

Garuu................

Nutu wal hin beekne malee

Akka alagaan nu beekutti

Nutu wal hin taane malee

Akka ormi nu qeequtti

Dhaloota Waa Falaa Abdii Nagahoo HuseenFuula10

 ==

Maqaa tokkoon nu waamu

Addaan hin baasu ormi

Gaafa kiyya citu

Kan isaas cita mormi

==

2. Laafaa kootu caala.

===================

Yoo anaaf jecha diigdee

Anaaf jecha dhaabde baandii

Sagal na ajjeesta malee

Kan koo hin dhiisu daandii

==

Osoo cabbiin dhagaawee

Dhagaan jabaanuu baqee

Eenyummaa kee hin jiraadhu

Eenyummaa koorraa maqee

Dhaloota Waa Falaa Abdii Nagahoo HuseenFuula11
 ===

Osoo gaangen dorrobdee

Sangaan jabbii dhalee

Eenyummaa koo hin balfu

Qe'ee ormaa galee

==

Qe'ee ormaatti hin seenu

Faana lafaa kaasee

Loowwan koo hin agabsu

Loowwan ormaa obaasee

==

Qe'een ormaa kan ormaati

Kanuma koottu kan kootii

Kiyyaan boonee jiraadha

Jireenya koof tahee mootii

==

Ooddoo koo daarsee

Ooddoo ormaa hin Kulu

Lammii koo aarsee

Qomoo ormaaf hin duulu

Lammii koorraa fagaadhee

Hin ta'u dalluu gaalaa

Dhaloota Waa Falaa Abdii Nagahoo HuseenFuula12

Jabaa nama ormaarra

Laafaa koottu naaf caala

==

Qabaataa nama ormaarra

Naaf wayya dhabeessa koo

Qajeelaa qomoo gandaarra

Naaf wayya dabeessa koo

==

Qomoo ofiiti namana

Kan yoo jirtu si dhungatu

Lammii ofiiti jarana

Kan yoo duute si dubbatu

==

Fageenyarraa ilaaletuu

Siif arga meeluu kee

Fuula kee ilaaleet

Siif beeka eeluu kee

==

Lammiin ofii gaachana

Wantee guyyaa rakkinaa

Dukkana roobaa keessan

Caba walii keenyaa argina

==

Dhaloota Waa Falaa Abdii Nagahoo HuseenFuula13

 3 DACHEE
=======

Nama addan footu

Hundumaa ni baatta

Yoo duunes nun balfitu

Hunda keenya nyaatta

Sanyii sirra facaasnee

Callaa kan nuuf laattu

Galatoomi dachee

Kan nu hundaa baattu

Qajeelas haa taanuu

Yoo feene jallataa

Balfiteen darbitu

Harka keettu hammata

Garaan kee albuuda

Irra keen biqiltuu

Uumamni akka kee

Dhaloota Waa Falaa Abdii Nagahoo HuseenFuula14

Dachee koo hin jirtu

Waan uuman gad buuse

Hundumaa dandeessee

Umrii dheeraa jiraattee

Kunoo har'as geesse

Kan lubbuu qabuufi

Kan lubbuu hin qabne

Kan beekkumsi namaa

Itti hin dhaqqabne

Uumama dhala namaaf

Kan akka bineensaa

Isa gaara jiraatuf

Isa goda keessaa

Isaan miilan deeman

Kan lafarra loo'an

Kan hojii hin qabneef

Isaan jirbii foo'an

Kan hammeenyaf gaarii

Dhaloota Waa Falaa Abdii Nagahoo HuseenFuula15

Walirratti yaadu

Isa himimsuufi

Hanga isaa aaduu

Diddimaaf buburree

Isa bifti addaa

Magaalaf gurraacha

Isa bifti gaddaa

Wal soorachuuf jedhee

Isa wal adamsu

Wal jalaa waa nyaatee

Isa wal agabsu

Jaarraa hedduu deemtee

Kaleessarraa kaastee

Lubbuun akka-n banne

Hundaaf seera baaste

4. Keenya faalladha
=================

Tolchuun akka badii

badiin akka tolchuu

Dhaloota Waa Falaa Abdii Nagahoo HuseenFuula16

galchuun akka fuudhuu

fuudhun akka galchuu

~~~

mukni akka baalaa

baalli akka mukaa

dhugaan akka sobaa

sobni akka dhugaa

kormi akka sa'aa

saani akka kormaa

ormi akka firaa

firri akka ormaa

Jibbi nuuf jaalala

jaalalli akka jibbaa

Dhibbi nuuf tokko

Tokko akka dhibbaa

Qal'aan akka furdaa

Furdaan keenya qal'aadha

Namaaf hin galu akki

Keenya kun faalladha!

Dhaloota Waa Falaa Abdii Nagahoo HuseenFuula17

5. madaa natti taate.
=====-=-=====≠=====

madaa natti taate

madaa dawaa dhabe

siifan meeqa kufee

sii'if kichuu cabe

jaalalaaf mararteen

laga meeqa ceenee

daba naaf arjoomte

tolli kee maseenee

==

gufuu natti taate

gufuu hulaa duraa

jiraatti na awwaalte

maqaa koo gurguraa

~~~~

ganamuun duruu jira

kan jaalalaa kuni raajii

jaalalaaf jaalatamuu jibbe

kan jibbaa baadhe baajii

garbuun girdii hin dhabne

Dhaloota Waa Falaa Abdii Nagahoo HuseenFuula18
akkas tolchee hafarsee

isheen na ganuu hin dhiifne

osoo isheef dhiiguu dabarsee

mukni hunduu mukaadha

mukni salphoon ceeqataadha

keessi kan komii qaba

Irri kan koo seeqataadha

~~~~

kolfa sobaan qasa'a

keessatti waa baadhee

garaan koo ibiddaa baata

akka waan irbuu nyaadhee

~~~

ani irbuu hin nyaanne

irbuu kootu nyaatame.......

keessi koo sadoon qabu

mar'imaan na waadame

~~

Namni ani amane

Na ciniine harka koo

akka koon se'e nama

Naaf hin taane akka koo

Dhaloota Waa Falaa Abdii Nagahoo HuseenFuula19

Dhugaan dhugaadhuma

sobatti hin micciiru

Si jaaladha yoomuu

jibbaan sin jijjiiru

hammeenya kee

yoo hasaasee dhibbuu

ani eessaa fuudha

onnee ittin si jibbu

Onneen koo waa'ee keen

Taphatti ulullee fi dibbee

Narra baqatte jedhee

Takkaa hin beeku si jibbee

Jibbaa naaf hin yaaddu

Na jaalatta kalee

Akkanaan nan balfitu

nama si gorse malee

Irbuu kalee dagattee

maalif yaadda hamaa...?

Dhaloota Waa Falaa Abdii Nagahoo HuseenFuula20

maaf jaalala balfita...

funaantee jecha namaa..?

6. ANAAFI JIREENYA
===≠==========

Anaa fi jireenyi wal lollee

Wal baasisne aarsaa

Jaarsi biyya-n jiruu

Eenyuu nu araarsa

Ana moo isheedha

Kan daangaa darbe

Sanuu eenyu ilaalee

Eenyu taa'ee arge

Jireenyi akkas jedha …

"Anatu si bulcha

Aangoo koon si moo'ee

Kophaa ke si bulcha

Firarraa si foo'ee

Ana si hooggana

Dhaloota Waa Falaa Abdii Nagahoo HuseenFuula21

Jecha kootin bulta

Deemi kootin deemta

Turii kootin turta

==

Qabeen si hiraarsa

Irree kee micciree

Akka kootti jiraatta

Kaayyoo kee jijjiiree

Mootii sitti ta'a

Mataarra si taa'ee

Fedhu si afeela

Fedhu si akaa'ee

Yoo jettu of tuultee

Uhuruu ishee dhaabdee

Yaada ishee dhugoomsuf

Dhagaa muka yaabdee

==

Akka fedhaa kee miti

Fedha koon imaltaa

Maqaa keetis dhiistee

Dhaloota Waa Falaa Abdii Nagahoo HuseenFuula22

Maqaa koo himatta

==

Addunyaa kanarra

Hayyama koon sochoota

Dhiisii kootin dhiistee

Godhii kootin goota

==

Yoo jedhu ol kaasee

Sagalee moo'ichaa

Galma koon godhuuf

Kan gaddaaf boo'ichaa

Anis akkas jedheen..... ⬇️

Nan bulchitu atis

Jireenya koo mootee

Kophallee nan baastu

Fira koorraa footee

==

Anas hin hooggantu

Siinis hin bulu

Deemii keen deemee

Turii keen hin turu

==

Dhaloota Waa Falaa Abdii Nagahoo HuseenFuula23

Narra hin teessu

Harka koo miccirtee

Deemsa nan dhoorgitu

Kaayyoo koo jijjiirtee

Lakki yaa jireenyaa

Akkamiin na mootaa

Yaada sammuu kootii

Akkamiin kee goota...?

Hin jiraattu yoomuu

Anarratti mootee

Lugaamtee nan ooftu

Farda yaabbii gootee

Jireenyi na mootee

Natti hin taatu mootii

Nan deema -n dhaabbadhu

Hamma galma kootii.

Nan fiiga-n dhaabbadhu

Dafqa koo coccobsee

Dhaloota Waa Falaa Abdii Nagahoo HuseenFuula24

Cabaaf daba jiruu

Hunduma isaa obsee

Rakkoo daba jiruu

Danda'ee dararaa

Gaaf tokko nan kolfa

Gahee bakka garaa

Irree keen moo'amee

Hin bulu si jalatti

Si ajjeesen du'aa

Nan oofin balaatti

Si kadhe yaa jiruu

Lakki mee si wayyaa

Atis na kabajjee anis si kabaje

Waliin buluu wayya

==

Si moo'een jiraadha

Akka namaatitti

Jiruu koon jiraadha

Akka anaatitti

Dhaloota Waa Falaa Abdii Nagahoo HuseenFuula25

Jedheen itti hime

Yaada garaa dhoosee

Wal jalaa haa hafnuu

Wal hin dhaabnuu doosee

Jedheen argisiise

Irree fi hamma koo

Jedheen itti hime

Kaayyoo fi galma koo

7.Dhugaan kan eenyuti?

====================

Abbaan dhugaa eenyuu

Kan humna qabu kan irree jabaatii

Kan dhageetti qabu

Kan gurraan guddaatii

==

Moo isa humna hin qabne

Kan irreen laafati

Kan qaamaa hir'ate

Kan miilaa naafati

==

Dhaloota Waa Falaa Abdii Nagahoo HuseenFuula26

Dhugaan kan eenyuti

Isheen uuman uume

Isheen isiif jecha

Kumaatamni dhume

==

Dhugaan kan beekatii

Isa waa madaalu....?

Moo dhugaan kan dofati

Kan hundaa wallaalu

==

Dhugaan kan sooressaati

Isa warqii mana ijaare

Moo kan hiyyeessati

Isa hundaan daare

==

Dhugaan kan eenyuti

Deebii maalif dhabne

Isheen kan maalitii...

Isheen abbaa-n qabne

==

Kan gurraachatii laata

Kan warra miidhamee ...?

Kan Oromooti laata

Dhaloota Waa Falaa Abdii Nagahoo HuseenFuula27

Kan warra dhiittamee...?

==

Dhugaan kan eenyuti

Maalif abbaa dhaba

Abbaan ishee dhabee

Maaf hamilee caba

==

Gamtaan wal tumsinee

Tokkummaan ol kaanee

Dhugaa galchuu qabna

Abbaa ishii barbaannee

==

Wanti uumame kamiyyuu

Hunduu abbaa qaba

Dhugaan fi haqni garuu

Maalif abbaa dhaba

==

Maalif deebii dhaba

Gaaffin dhugaaf haqaa

Haqarraa dheessinee

Maalif deemna baqa

==

Haqa baasnee yoo himne

Dhaloota Waa Falaa Abdii Nagahoo HuseenFuula28

Dhugaan kan miidhamaati

Dhugaa yoo dubbanne

Dhugaan dhiittamaati.

==

8. Salphoo nama gooti

=====================

Rakkoon xiqqoo hin qabdu

Dhaloota Waa Falaa Abdii Nagahoo HuseenFuula29

Turte, bultee nama mooti

Wanti gatiin bichuu

Salphoo nama gooti

==

Hinjiraan xiqqoon sunuu

Surree nama baasisti

Wanti gatiin salphoo

Xiqqoo nama taasisti

==

Dhimmi nuti ilaalle

Akka salphaatitti

Gatii nu baasiste

Akka sabaatitti

==

Isheen nuti hin ilaalin

Gatii lukkuutitti

Aarsaa nu baasiste

Hamma lubbuutitti

==

Kan nuti hin lakkaa'in

Hamma xurii qeensaa

Nu waraante kunoo

qoreen dhoqqee keessaa

Dhaloota Waa Falaa Abdii Nagahoo HuseenFuula30

 9. Maalif nu obsite

================

Yaadaf yaaddoon isheen

Biqilchinus arrii

Maal nama hin goone Barri

Hunda nama taasisti

Garba nama dhaansiisti

Bilee koo yaa bilee

Bilee yaamnu baraanuu

Mana sobaaf shiraa

Yaa isheen ciisne garaanuu

Maalif nutti obsitee

Nutti dhiistee hammeenya

Miidhamtoota kee dhiiftee

Maaf deemte fageenya

Baraan si waamna nuti

Abdii-n kunnu sirraa

Bakka kalee turree

Dhaloota Waa Falaa Abdii Nagahoo HuseenFuula31

Har'as achuma jirra

==

Ni dhuftaaf hin dhuftuu

Keetif walii galteen dhibee

Bilisoomu miti yaa bilee

Walii galuun cime

Ni beekna dursinee

Waloomnu malee akka hin dhufne

Nuti garuu wal ijaaruu balfine

Wal diiguu itti fufne

Inni kuun du'aan dhufta jedheet

Waa'ee kee hamata

Situ itti hime moo

Nuuf himi akkaataa

Moo abjuu dhuunfati

Abjuu hikkaa-n qabne

Nutti himi mee bilee

Dhaloota Waa Falaa Abdii Nagahoo HuseenFuula32

Nutoo fala dhabnee

10. Irbuu haalamte

=====================

Tulluu tokko irratti

Waliin mul'atanii

Adurreef Hantuunni

Waliin dubbatanii

Seera waliin baafatan

Akka baraatitti

Waliin jiraachuf

Akka garaatitti

Yaa adde Adu.........

" Waliin Bullaarree

Dhaloota Waa Falaa Abdii Nagahoo HuseenFuula33

Garaa waliif laafnee

Itti hojjannaarree

Seera kan baafnee "

Jedhee yoo gaafatu

Garaa shakkii qabuun

Isa shakkisiisnan

Seerri kuni cabuun

" lakki jetteen

Yaa obbo hantuuta

Ani waadaa hin cabsuu

Waan jedhe nan guutaa

Ati na-n shakkin malee

Narraa anarraa qoolifattee

Ormaan hin firoomin

Qe'ee koo baqattee

Jetteetuu dubbatti

Qoma ishee bal'istee

Akka waan amala ishee

Kan durii san dhiistee

Dhaloota Waa Falaa Abdii Nagahoo HuseenFuula34

Waadaa isaaf seente

Waaqaf dachee yaamtee

Hantuuta boojitee

Jaalalaan kudhaamte

Yoo an si gane

Dacheen na haa gantu

Yoo waadaa kee nyaadhe

Albeen na haa qaltu

Ilmoon ani dhalu

Na jala hin guddatin

Yoo guddattes

Afaan ishee hin dubbatin

Jettee hunda yaamtee

Tooftan qabdee obboo

Waadan jaraa hin turre

Tahe ulee qobboo

Osoo waggaa hin gahin

Dhaloota Waa Falaa Abdii Nagahoo HuseenFuula35

Harki harka gane

Amanuun hantuutaa

Du'aaf karaa bane

Hirriba isaa keessaa

Suuta jettee qabdee

Ilkaan ishee sanaaf

Kottee irra dhaabde

Akkasin akkas tahee

Cabe waadan kalee

Namni kan jiraatu

Waadaf miti amalaadha malee

Osoo waadaf jiraatte

Kakuu kana hin gantu

Waadaa kalee sentee

Sila har'a hin gattu

" Amalli abbaa hin dhiisu

Tulluun hin godaantu "

Amala kee qaaccessi

Dhaloota Waa Falaa Abdii Nagahoo HuseenFuula36

Yeroo waadaa galtu

11. Oromoota dide

====================

Gootummaa keenya

Hin argineef malee

Addunyaa kanaafuu

Wabii turre kalee

Loluu fi lolchiisuu

Hoggantummaa dabalee

Orma bulchine malee

Ormaan hin bulle kalee

Itoopiyaa hanga Eeshiyaa

Mirga namaa kabachiisnee

Mootota naaf sagadaa jedhan

Ummataaf sagachiifne

Mootota Onneen jaraa

Hin beekne namaaf nahuu

Lolleet argisiisne

Dhaloota Waa Falaa Abdii Nagahoo HuseenFuula37

Aangon kan sabaa tahuu

Warra dhiiga namaa dhugee

Ummatatti baase irree

Warra akka ilaalcha jaraatti

Namni jara caalu hin jirre

Jiraachuu argisiisne

Goottan onnee sibilaa

Kan akka Abdiisaa Aagaa

Goottan guddisa dhiiraa

Goota dachee ormaatti

Diinaf gantuu raase

Dhiira lolee lolchiisee

Diina biyyaa baase

Goota ragaa bahee

Diinni isaaf firruu

Leenca salaalee bahe

Kan akka Taaddee Birruu

Dhaloota Waa Falaa Abdii Nagahoo HuseenFuula38

Osoo jarri hin jiraannee

Diinni nu nyaachuu yaadam

Dhiira diinaf summii

Kan akka Haaji Aadam

Tokkichi goottan keenya

Miliyeena bakka buutu

Kan akka Huseen Bunee

Kan akka waaqoo Guutuu

Kan akka Malik Anbaar

Kan adii bulche ce'ee

Oromoo saba guddaa

Ormi maaf bicuu se'ee...?

Gabayyoo ilma Gurmuu

Leencicha gaafa Adawaa

Goota lolee lolchiisee

Biyya isaaf tahe dawaa.

Bakka bu'aa Gabayyoo

Baalchaa abbaa Nabsoo

Dhaloota Waa Falaa Abdii Nagahoo HuseenFuula39

Kan kallattii sochii

Nu agarsiise qabsoo .

Kan akka xaayituu

Gameetti dubra walloo

Halloo Daawwetu teenya

Ogeettii Afran-qalloo

Goottan danuu qabna

Kan hin beekne ormaaf sagaduu

Injifannoon Adawaa keenya

Kan ormi ittiin ragadu.

Gaafa Minilik mallatteessu

Waligaltee wucaalee

Barreeffani faalla'uu

Eenyu afaan beeka

Eenyu banee ilaale

Bakka kanaadha

Iddoon kaa'umsa lolaa

Eenyu dubbisuu danda'a

Dhaloota Waa Falaa Abdii Nagahoo HuseenFuula40

Eenyutu kanaaf tola

Jedhanii barbaadanii

Nama afaan itaalii dubbisuu

Maal akka jedhuu hin beeku

Jarri mallatteessuf shubbisu

Achiin Gabree Goobanaa dhufe

Mucaan Ijibtiin turee

Rakkoo habashaa qabde

Isatu dhufee fure

Osoo lolaaf hin qophaa'in

Osoo hin deemin addicha

Eenyu hin tahuu jedhe

Eenyu didee wanticha

Oromoota dide

Xaayituu dabalee

Itoophiyaan duwwaadha

Oromoota malee

Dhaloota Waa Falaa Abdii Nagahoo HuseenFuula41

 12.Hin jibbinaa maraataa

======================

Sammuu guutuu kan qabu

Niitii fuudhee warrooma

Fayyaan Kennaa uumati

Rabbi namaa arjooma

Namaan adda tahee miti

Sammuu dhabuun carraadha

Isa fayyaa-n qabneef

Fayyaa argachuun dharraadha

Dhaloota Waa Falaa Abdii Nagahoo HuseenFuula42

Inni sammuu dhabe

Karaarra jiraata

Sammuu namummaan yoo laaltu

Garaa nama nyaata

Inni isaaf qoode

Nuuf qooduu danda'a

Maaloo kan fayyaa dhabeef

Haadhaf abbaa ta'aa

Uuman haa laatuf

Kan dhoorgates rabbii

Fayyaa baraa dhabdus

Sin dhoorgatin qalbii

"Sa'a jechuun jabbi

Nama jechuun qalbii "

Isa fayyaa dhabeef

Fayyaa laatif rabbi

Fayyaan kennaa uumati

Rabbi namaa laata

Dhaloota Waa Falaa Abdii Nagahoo HuseenFuula43

Maraatummaa jibbaa malee

Hin jibbinaa maraataa

13. Abaarsa moo maali....?

======================

Akka waan haati isaa

Nu laattee handhuuraa

Nurraa bahuu dide

Nu qabee handhuura.

"Dandeenyu hundeen buqqifna

Dadhabnu ilmoo itti guddifna "

Mammaksi kun hindhumu

Barumaan dubbifna

Dhaloota Waa Falaa Abdii Nagahoo HuseenFuula44

Hundumtuu ni mammaka

Hin arganne hiikkaa

Isa durii caalaa

Baraanuu nutti hiiqa

Ilmaan ni wareegamu

Nurraa-n deemu sokkee

Mataarra nu taa'aa

Socho'uu nu dhoorkee

Dhalootaa dhalootatti

Dhandhamnee gidiraa

Abbaan kalee boo' u

Har'as boo'a jira

Hedduu itti dhabne

Ilmaan gootaf qaalii

Keenya kun jarana

Abaarsa moo maali....?

Dhaloota Waa Falaa Abdii Nagahoo HuseenFuula45

 14. Maaf dhiiga kee cobsa?

======================

Yaa ishee garaa bal'attu

Tan hundaafuu naatu

Harka keen osoo soortuu

Maaf harka kee nyaatu

Warra sirraa nyaata

Si dhoorge hormaata

Ilmaan safuu-n beekne

Adabu furmaata

Maalif si waraanuu

Xiqqaaf guddaan jaraa

Maaf ilmoo kee jibba

Maalif si dararaa

Sirraa nyaattee

Maalif si hifattii

Sirra baatee

Maalif si jifattii...?
Dhaloota Waa Falaa Abdii Nagahoo HuseenFuula46
Sirratti jiraattee

Maalif sitti koorti

Daba kee oomishuuf

Maaf badaaf laga joorti

Osoo hundaaf laattuu

Jaalala fi obsa

Maalif si waraanaa

Maaf dhiiga kee cobsa...?

15.Seera uumatu dabe.

========================

Inni nama nyaatee

Naqe hiyyummaa keessaa

Inni nama sakaalee

Miila dhoorge deemsa

Inni ilkaan malee

Nyaate nama keenya

Dhaloota Waa Falaa Abdii Nagahoo HuseenFuula47

Inni rakkoon michoomsee

Kaffalchise beenyaa

Harki harka hin nyaatu

Irraa nyaatee ka'ee

Inni sabbata jedhame

Bofa erga nuuf ta'ee

Ilma barsiisun yoomifi

Erga tanaa nun baasnee

Gaafa dadhabnee kufnu

Erga lafaa nuun kaasnee

Ilmi kalee soorre

Erga wallaalee safuu

Barsiusun haa taa'uu

Dhaluun nutti hin hafuu

Rakkoo nu baasu jennee

Fuunee barsiifannee

Boru nu sooru jennee

Karaa garsiifannee

Dhaloota Waa Falaa Abdii Nagahoo HuseenFuula48

Ilmoon ofii dhalle

Nutti taatee sakaallaa

Ilmoo ofii guddisne

Afaan ishii wallaalla

Afaan jijjiirrattee

Harkaan deemi jetti

Malaan mala maltee

Kiisii seeni jetti

Seera uumatu dabee

Jedheen gaggaafadha

Isheen malaan maluu

Reef adda bafadha

16.Harmee
===================

Harmee koo deessee

Dandeessuu waa hundaa

Harmee harmi lakkuu

Haadha oolmaa guddaa

Dhaloota Waa Falaa Abdii Nagahoo HuseenFuula49

Naaf jecha meelattee

Anaaf jettee cabdee

Bifa ijoollummaa kee

Nu'iif jecha dhabde

Nuuf homtuu si-n dhibu

Waa hundumaa taata

Danddeessuu harmee koo

Nu'iif kuftee kaata

Garaatti nu baattee

Baatii sagal guutuu

Addunyaa jiru kun

Bakka kee hin buutu

Nu guddisuuf jettee

Iddoo hunda joortee

Yeroo nyaata-n nyaanne

Harma kee nu soortee

Osoo jiruun lafaa

Rakkoo si afeeruu

Dhaloota Waa Falaa Abdii Nagahoo HuseenFuula50

Osoo roobaf aduun

Waadee si afeeluu

Nu ilmaan kee kanaaf

Lagaaf baddaa baatee

Oolmaa eenyuun oolle

Waa hunda nuuf taate

Olmaa kee awwaalun

Harka kee ganuudha

Lakkaa'ee hin fixu

Olman kee danuudha

Danda'ee sin obsu

Garaan kan koo sarmee

Eessayyuu haa taa'uu

Sin dagadhu harmee

Amala koo hamaa

Hundumaa obsitee

Nama tahi jettee

Jechaan na gorsitee

Dhaloota Waa Falaa Abdii Nagahoo HuseenFuula51

Ati nuuf warqiidha

Kan gatiin hin buune

Ati nuuf kennaadha

Ameessa hin guune

Ilma ilma keetii

Harmee koo argiitii

Umrii naaf dheeradhu

Jiraadhu darbiitii

17. Hayyee jedhi nagaatti.

========================

Ana maraataa jaalala keetii

Dirretti dhiistee gattee

Maalif ormaaf abboomte

Maalif kooluu galte....?

==

Osoo akka killee

Suuta qabee si tiiksuu

Osoo jaalala keef jedhee

Mormaa citee of dhiigsuu

Dhaloota Waa Falaa Abdii Nagahoo HuseenFuula52

 ==

Osoo siif jecha fiigee

Miilaa cabee meeladhuu

Osoo siif rakkadhee

Eeluu baraa eeladhuu

==

Osoo siif jecha dhiisuu

Maatis tahee fira koo

Osoo siif of laatuu

Keessas tahee irra koo

==

Osoo siif hunda jibbee

Soora didee lagadhuu

Osoo waaqa dhiisee

Maqaa keen kakadhuu

==

Ati immoo na salphiste

Harka na jalaa fudhatte

Ormatti kooluu galuun

Jaalala koorraa muratte

==

Ormaaf sirbaa ragadaa

Hiriyyummaa na haaltee

Dhaloota Waa Falaa Abdii Nagahoo HuseenFuula53

Jira jedhee otoo yaaduu

Jiraatti na awwaalte

==

Hirkoo waliif taana

Jedheen yaade malee

Nama dacheerra jiru

Sin caalchisu kalee

==

Siif hin saaqu ture

Galma onnee kootii

Ofirratti sin muudu

Si taasisee mootii

Osoo dursee hubadhee

Tahuu kee gaararraa

Kophaatti sin jaaladhu

Si baasee namarraa

Osoo akka bofaa

Na nyaattaa beekee

Halaalatti ofirraa

Fageessee si eege

Dhaloota Waa Falaa Abdii Nagahoo HuseenFuula54

Tahuu kee otoo beekee

Bofa afaa jalaa

Silaa hin eegalu

Daandii kan jaalalaa

Osoo tahuu beekee

Ati Salphoo wahii

Si faana hin raafamu

Deemee bu'aa bahii

==

Hayyee jedhi nagaatti

Amala gantuuttu kanaadha

An ammas jibbaa-n yaadu

Onneen jaalalaa koo banaadha

18. Boru darbaaf obsine.

======================

Bara namaa darbe

Arba qambaa godhu

Bara namaa gamte

Harma garbaat hodhu

Dhaloota Waa Falaa Abdii Nagahoo HuseenFuula55

Iddoon kalee nu miite

Har'as qabdee nu hiite

Iddoo kalee salphanne

Har'as dhaqnee dhaabbanne

Ormaaf darbee argina

Keenya har'as salphina

Barri darbuu nuuf diddee

Rakkoo dachaa nuuf fidde

Rakkoon baraan nu iddaa

Keenya garaan ibidda

Bahas ,lixallee joorree

Keenya madaan hin qoorre

Imimmaan lakkuu cobsinee

Boru darbaaf............... obsine

Sirka jechuun gamasi

Roobe jechuun gamana

Kunoo dubbiin hammana

Dhaloota Waa Falaa Abdii Nagahoo HuseenFuula56

 19. Kophaatti na hiite.
=======================

Osoo jiruun dachee

Gubdee na affeeltuu

Gidiraaf rakkinaaf

Otoo na affeertuu

Tahe jettee hundaa

Otoo anaan waamtuu

Ulee laafaa jabaa

Osoo anaan dhaantuu

Yakkamaa na gootee

Baastee nama keessaa

Wantoota fokkisaa

Anatti fakkeessaa

Laphee koo na buustee

Daddarbaan na miitee

Namaan adda baastee

Kophaatti na hiitee

Dhaloota Waa Falaa Abdii Nagahoo HuseenFuula57

Yakkamaaf yakkamtuu

Maqaa kootin waamaa

Seenaf qabeenya koo

Dhoksitee na saamaa

Daddarbaa fi cinqii

Na soortee gidiraa

Akka isheef mitii

Akka uumaf jira

Kan na uume jiraaf

Deema nama ta'ee

Silaa akka isheef

Addunyaarraa ka'e

Baga waaqa tahe

Abbaan murtii dachee

Isatu naaf falmee

dhugaa koo naaf galche

20. Dhaloota waa falaa.

=====================

Dhaloota Waa Falaa Abdii Nagahoo HuseenFuula58

Inni deeme hin deebi'u

Hin yaadinaa namuu

Inni du'e du'eera

Nuuf hin yaadu lamuu

==

Kan jiru waa fala

Kan du'e hin galuu

Dhaloota kanaadha

Dhaloonni waa falu

Rakkoo keessa jirru

Akka sabaatitti

Dhaloota Waa fala

Akka namaatitti

Kan biroo hin jiru

Kan saba baraaru

Dhaloota kanaadha

Kan saba wal'aanuwal'aanu7

Rakkoo akka sabaatitti

Nutti tahe gufuu

Dhaloota Waa Falaa Abdii Nagahoo HuseenFuula59

Dhaloota waa fala

Kan biraa hin dhufu

Gaarif qajeellummaa

Ormarraa hin eegnu

Galmaa Kaayyoof milkii\

Sabaaf haa akeeknuu

Rakkoo ormi uumeen

Yoo dhabnes waa mala

Dhaloonni haa kaanuu

Dhaloota waa falaa

Dhaloonni waa mala

Dhaloonni waa fala

Waa malee

Waa falee

Beekkumsa haa kuusu

Nagaha haa buusu

Ofii walii galee

Sabaaf mala malee

Dhaloota Waa Falaa Abdii Nagahoo HuseenFuula60

Hangafa kabajee

Quxisuu guddisaa

Ofii wal mari'atee

Beekallee dubbisaa

Walirraa barataa

Gurra walii laatee

Osoo wal mararree

Dacheen nagaa taatee

Seenaa kalee bade

Barbaadee qajeelchee

Rakkoon eeluu balfee

Rakkinnicha eelchee

Dhaloota qubeeti

Maaf taana wallaalaa

Dachee nagaa dhabde

Dhaloota walaana

==

Ayyaana haadhaf abbaa

Kabajee Gijaaree

Dhaloota Waa Falaa Abdii Nagahoo HuseenFuula61

Aadaf safuu tiiksee

Biyyallee ijaaree

==

jibbaa kalee balfee

Ijaaree riqicha jaalalaa

Dachee golgolooftef

Dhaloota waa fala

21.Ulaagaan biraa hin jiru

============≈=========

Nama waan taatef

Sin kabaja namana

Qabeenyaf aangoo miti

Namummaattin amana

Abbaa feete tahi.......

Adii ,yoo feete diimaa

Bifaaf halluu keetti

Yoomuu-n qabu dhimma

Nama waan taatef

Siif laadha kabaja

Dhaloota Waa Falaa Abdii Nagahoo HuseenFuula62

Ulagaa namummaattu

Kanaaf na ajaja

Eessattuu yoo uumamne

Kaaba, kibba baha ykn lixa

Waaqa tokkichaan uumamne

Nu hundumtuu wal qixa

Anaaf si obboleessa

Tahuu baannus tiruu

Nama tahuu keen ala

Ulaagaan biraa-n jiru

22. Yerootu waa fida

==================

Firaaf orma hin jettu

Hundumaa ciniinti

Fagoo dhihoo-n qabu

Bakka hundaa fiigdi

Tartiiba hin qabdu

Horoomummaa baati

Dhaloota Waa Falaa Abdii Nagahoo HuseenFuula63

 Mana ofii lagatte

Horii alaa taati

Haadhoo ishee soorte

Ciniinudhaaf ilaalti

Fira tahuu lagatteet

Diina tahuu yaalti

Kan dur warraaf loltee

Maatif eegdu qe'ee

Har'a isaayyuu eegu

Maatif diina ta'ee

Isa gaafa rakkoo

Falaaf waamu warri

Diina warraaf godhe

Waa jijjiira barri

Yerootu waa fida

Badas tahee gaarii

Lafti halkan dukkanaa

Guyyaa ifaa ilaali

Dhaloota Waa Falaa Abdii Nagahoo HuseenFuula64

 Hunduu ni jijjiirrama

Yeroo eegata malee

Inni har'a guddaa

Xiqqaa ture kalee

23. Anaa kee guddisuuf.

========================

Mahaddisa jireenya

Barsiisaa jiruu koo

Akkam fayyaa keetii

Abbaa koo tiruu koo

Anaa kee guddisuuf

Bakka meeqa seentee

Ilmoo kee uffistee

Ofii qullaa deemtee

Waa'ee kee dubbachuuf

Hin qabu hamilee

Ati hundee kooti

An sirraan biqile

Dhaloota Waa Falaa Abdii Nagahoo HuseenFuula65

 Ofii keeti beelaa

Ana beela baastee

Utubaa naaf taate

Kufarraa na kaastee

Dhagaaf muka yaabdee

Kiyyoo kiyyeesitee

Anaaf obbolaa koof

Jiruu mijeessitee

Ati naaf gaaddisa

Gaaddisa jireenyaa

Addunyaa kanarraa

Situ naaf fakkeenya

Si jechuun anaaf

Waa hundumaa kootii

Akeekaa jiruu koo

Jireenya koof mootii

Akkas godhi jettee

Daandii na qabsiistee

Akka jiruu moo'uf

Dhaloota Waa Falaa Abdii Nagahoo HuseenFuula66

 Karaa na garsiiste

Illachaan kee cabee

Anaaf baastee arrii

Si kiisa abbaa koo

Yoo naaf tarte barri

Hojjadhee jijjiirramee

Jireenya koo moo'ee

Si soora abbaa koo

Nama keessaa foo'ee

Utubaa siif taha

Gahee bakka guddaa

Umrii Siif haa laatu

Waaqni abbaan hundaa

24.MAALIIF KOOLUU GALTE?

=====================

Dachee koo dubbadhu mee

Osoo-n beekin nuun oodde

Furmaataf osoo si eegnuu

Dhaloota Waa Falaa Abdii Nagahoo HuseenFuula67

 Rakkinaaf maaf nu qoodde

Diinni keenya sirratti

Taphateetuu kolfaa

Dachee koo maaf taate

Nu'iif dhibee golfaa

Ormaaf kan sagaddu

Nuuf maaf hin ciifnee

Nuti ilmaan keef

Maaf nagaa hin biifne

Ilmaan kee qaqaalii

Maaf nagaa dhoorkita

Madaa dur madaa'e

Maaf qubaan horfita

Dirra keerra deemun

Maaf nuuf tahe dharraa

Nutti himi yaa dachee

Icciiti isaa ni barraa

Dachee koo osoo hin beekin

Dhaloota Waa Falaa Abdii Nagahoo HuseenFuula68

 Maaf nurraa fagaatte...?

Ilmaan kee kanatti

Maaf garaa jabaatte...?

Ilmaan ormaa baattee

Soortee dammaaf dhangaa

Ilmaan kee ofirratti

Qaltee akka sangaa

Ormaaf gamoo dhaabda

Waa hundaan simattee

Nu maal yakkineeti

Maalif nu himatte

Jiraa keenya mitii

Du'aa baachuu didde

Amaanaa goototaa

Dachee koo eessa fidde

Lafeen Jamoo Dabalee

Lafeen Guraaraa Lataa

Garaa kee keessa jiru

Waa sin gaafannee laata

Dhaloota Waa Falaa Abdii Nagahoo HuseenFuula69

 Si hin gaafannee laataa

Hacee koof Eebbisaa

Jalaa cal'iste moo

Maal ture deebisaan

Goota ragaa baheef

Diinni isaaf firruu

Si hin gaafannee

Waa'ee Taaddee Birruu

Mirga sirraa qabnu

Maaf dhabne argachuu

Boqonnaa sin lagnee

Lafeen Yoosef gammachuu

Moo hin duune jetteet

Jara sobuuf yaalte

Osoo teenya jennuu

Maaliif dhugaa haalte

Kan biraa qubsiistee

Dirree dhibaafannaa

Dhaloota Waa Falaa Abdii Nagahoo HuseenFuula70

 Goottan keenya kalee

Hundaa si gaafanna

Rakkoo gumaachitee

Saba keef salphina

Qabeenya ormaa gootee

Iddoo ulfoof ulfinaa

Jireenyan eessa jira

Dachee koo oduun qabduu

Nadhis nuuf iyyaafadhu

Finfinnee quba-n dhabdu

Maaf hormaata kuttaa

Lammiin koo haa horuu

Baqqalaa Dawwaanoof

Loltuu lammeessaa boruu

Achi buutee dhabne

Lafeef dhiiga jaraa

Barbaannee-n arganne

Taanee jooraa baraa

Eessa buutee dhabne

Dhaloota Waa Falaa Abdii Nagahoo HuseenFuula71

 Iyyaafachaa teenya

Osoo teenya jennuu

Nu baasiste beenyaa

Sirratti dhabnee jirra

Qaxalee ilmaanii

Harmee ijji hin qoorre

Har'as imimmaani

Yoosef kan du'e

Si keessa walakkeessaa

Hacee Hundees ni nyaatte

Urjii aartii keessaa

Haylee fidaa awwaaltee

Taaddee Birruu dabalatte

Kan hayyuu filtee nyaattu

Bu'aa maal maal argatte

Garaan keenya madaa

Ijji hin qoorre takkaa

Rakkoo nuuf arjoomte

Teessetoo walakkaa

Dhaloota Waa Falaa Abdii Nagahoo HuseenFuula72

 Keenya ni balfita

Kan ormaaf urgooftee

Kan si fuudhe nu'ii

Ati ormaaf ulfoofte

Saba koo rakkiftee

Itti mala malte

Nu gantee dachee koo

Maalif kooluu galte

25. Soba faana hin deemu

=======================

Funyoo dharaa footee

Gaafa na sakaalatu

Nama hamaa gootee

Gaafa na madaaltu

Gocha kee kaleessan

Gubatus keessi koo

Daba ati uumten

Gufatus deemsi koo

Xiyyeeffadheen deema

Dhaloota Waa Falaa Abdii Nagahoo HuseenFuula73

 Galma kan koo gahuuf

Shira har'aa moo'ee

Nama boruu tahuuf .

Madaala kee faallan

Yoo na madaaltu sana

Keessa koo ni beektaa

Ati garuu ana

Ani garuu beeka

Bareechee keessa koo

Fulduratti deema

Fageessee deemsa koo

Ilaalaan adeema

Galma kan koo boruu

Waca tafkiif bookef

Daandii koorraa-n goru

Ani hin raafamu

Gocha namaa ilaalee

Soba faana hin deemu

Dhaloota Waa Falaa Abdii Nagahoo HuseenFuula74

 Lakki dhugaa haalee

=//=

Xumureera

☆ Barressan: Abdii Nagahoo Huseen

(Abdulqaadir Nagaash Huseen)

Abdiin Abbaa isaa obbo Nagaash Huseen fi Haadha isaa aadde Hawwaa Muhammad Nuree irraa godina
Arsii Aanaa Roobee dida'aatti kan dhalate yoo tahu yeroo ammaa barataa mana barumsaa saddiqaa
sadarkaa Lammaffaati.

☆ 𝔼𝕓𝕝𝕒 10/2015 𝔸. 𝕃. 𝕀

Dhaloota Waa Falaa Abdii Nagahoo HuseenFuula75