Programm an Umeldung

Déi meescht Mamendéieren déi bei eis liewen sinn nuetsaktiv an dowéinst begéint een se och nëmme seelen am Bësch. Mee si hanner loossen Spueren. Mir ginn an den Bësch an sichen no dësen Spueren. Et ass iwwerraschend wat eis déi Spueren alles iwwert d’Déieren verzielen.

Gëff och du zum Aulebäcker! Zesumme mam Usch Biver, engem Nouspelter Original, entdecke mir wéi aus Leem e Péckvillche gëtt. Jiddereen dierf sech dobäi als Aulebäcker versichen a säin eegene Péckvillchen zum Päife bréngen.

En Atelier iwwert d’Ausstellung “Tönende Tiere”. Zesummen mam Alan analyséieren mer d’Konschtwierkler. Dono wäerte mir probéieren eis eege Skizzen an Zeechnungen ze kreéieren, inspiréiert vun der Ausstellungsstecker.

Am Kader vun der Ausstellung “Tönende Tiere” lauschtere mir den Déiere méi genau no. Am Film kommen d’Geräischer awer net vum Déier selwer, mee si ginn nogemaach. Komm an entdeck de Beruff vum “bruiteur” a stell selwer deng Geräischer hier. Den Atelier ass op franséisch.

Zesumme mam Fuerscher Axel Hochkirch lauschtere mer no wat eis d’Grille sangen. Wéi maachen se dat Geräisch a wat soen se domadder? Mir huelen d’Musek vun de Grillen op, a ginn an enger 2. Aktivitéit mam Toun an d’Rockhal.

Kannst du dir virstellen, wéi een Musek mat Déierengeräicher maachen kann? Dauch an an déi faszinéiernd Welt vun der kreativer Musikgestaltung an entdeck, wéi een aus scheinbar unmusikalesche Geräischer, wéi dem Zirpen vu Grillen, eenzegarteg Sound-stécker krééiere kann.

Verpass d’Researchers’ Days an den Rockhalen nët! Do kanns de selwer Experimenter maachen an de Fuerscher bei hirer Aarbecht hëllefen.

Eewäiss gëtt a villen Formen an der Liewensmëttelindustrie ugewannt. Mee wat fir verschidden Eewäissformen ginn et a wat kann een alles domadder maachen? An dësem Atelier méchs du selwer Experimenter m at Liewensmëttel.

Ginn et Alternativen zu Plastik? An dësen Atelier maache mir selwer “Bio-Plastik” mat verschidde Methoden a probéieren aus wou d’Virdeeler an d’Grenze sinn.

Entdeckt spilleresch d’Rees vum Darwin a studéiert Déieren, maacht kartografesch Vermessungen, publizéiert är Entdeckungen an stellt Theorien op fir dem Darwin ze hellëfen säi Buch fäerdeg ze schreiwen (Gesellschaftsspiller-Alarm!).