Lingua Franca Nova

Lingua Franca Nova Lingua Franca Nova, lingua franca nova, elefen
Datuvan:	Cornelis George Boeree
Pejaföl ün:	1998
Penädasitot:	lafab latinik[*], lafab kirilik
ISO 639-3:	lfn
Resodatoped calöfik:	https://elefen.org/

El Lingua Franca Nova (brefükiko, LFN) binon mekavapük, pedatiköl fa hiel Cornelis George Boeree, de Niver ela Shippensburg, in tat: Pensülvän, in TPL. Pastabon su Fransänapük, Litaliyänapük, Portugänapük, Spanyänapük e Katalonänapük.

El Lingua Franca Nova (‚Elefen’) pejonidükon as pük pato balugik, kludöfik e fasiliko lärnovik pro kosäd bevünetik. Labon buädis anik:

1. Labon numi pemiedüköl stabädas fonetik sinifidistüköl. Ton ona sümilon ad Litaliyäna- u Spanyänapük.
2. Lotograf binon fonetik. Cils no mutons lärnön dü yels mödik pronamodis nenomädik.
3. Gramat ona binon löliko nomotik, e sümilon ad ut pükas kreolik.
4. Labon stoki pemiedüköl e löliko nomotiki yümotas pro vödidefomam geböfik.
5. Labon süntagi gudiko pemiedetöli, kel baiädon ko ut pükas veütik mödik.
6. Vödastok ona mödadilo pestabon su vöds pükas romenik nutimik. Püks et binons veitio stääniks e flunilabiks, e zuo äkeblünons dili vemik lä vödastok Linglänapüka.
7. Pedesinon ad dasumön natöfiko nulavödis kaenik latinik e Vöna⸗Grikänapükikis bai geböf veitik in vol.
8. Pedesinon ad lüjinön tefädiko „natik” lü utans, kels sevons romenapükis, nes binön fikulikum pro votans ad palärnön.

Literat

• Costalago, Vicente (2021) La xerca per Pahoa
• Costalago, Vicente (2022) La marcia nonconoseda

Yüms plödik

• Lingua Franca Nova
• Nüdugot in Volapük
• Lingua Franca Nova - Facebook
• Lingua Franca Nova - Disionario
• Lingua Franca Nova - Omniglot