Rakvere

Rakvere

Lidnanznam	Flag
Valdkund	Estinma
Eläjiden lugu (2018)	15,413 ristitud
Pind	10,64 km²
Pämez'	Marko Torm (2017—)
Telefonkod	+372-(0)32-xx-xxx
Aigvö	tal'vel UTC+2, kezal UTC+3

Vn 2012 lidnan kart.

Rakvere (mugažo estin kelel; ende saks.: Wesenberg; venän aigkirjištos: Раковор) om Estinman lidn valdkundan pohjoižpäivnouzmas. Se om valdkundan kudenz' surtte lidn eläjiden lugun mödhe, Lääne-Virun makundan administrativine keskuz.

Istorii

Eländpunkt mainitase ezmäižen kerdan vl 1226 kuti Tarvanpea. Nügüd'aigaižen žilon aluz om pandud läz feodalan lidnusen seinid.

Rakvere šingotase mecan ümbriradmižel, sömtegimištol (lihakombinat) i turizmal.

Geografijan andmused

Lidn sijadase 82 m ü.m.t. keskmäižel korktusel. Soolikaoja (vai Linnaoja, 7 km pitte) läbitab lidnan pohjoižpalad. Matkad Suomen lahthesai om 20 km pohjoižhe, Tallidnhasai — 98 km päivlaskmha. «Piter — Tallidn»-jonuz tegeb seižutest lidnas. Avtote ümbärdab lidnad suvespäi.

Rakvere jagase 8 administrativižhe rajonha palahiženke ičeohjastusenke.

Eläjad

Vn 2011 EÜ:n rahvahanlugemižen mödhe eläjiden lugu oli 15 264 ristitud. Kaikiš suremb lidnan ristitišt oli 19 822 eläjad vl 1989.

Rahvahad (enamba 0,4% vl 2011): estilaižed — 88,08%, venänikad — 8,98%, ukrainalaižed — 0,98%, suomalaižed — 0,9%, toižed rahvahad — 1,06%.

Galerei

• 
  Rakveren lidnuz
• 
  Lidnan «Centrum»
• 
  Vanhan lidnan ird
• 
  Lidnan torguz
• 
  Basketbol- i voleibol-holl Kastani-irdal

Irdkosketused

• Lidnan ohjastusen oficialine sait (rakvere.kovtp.ee). (est.)