Optik
Optik (amuižgrek.: ὀπτική-sanaspäi optikē «irdpol'ne nägu»), vai optine fizik, om fizikan jaguz, tedoidab vauktusen ičtazvedandad i ičendoid, sidä kesken sen vastamižpaineg substancijanke i instrumentoiden sädand kävutamha vai detektiruimha vauktust[1].
Järgeližikš optik ümbrikirjutab nägujan, ul'traruskedsinižen i infrarusttan sädegoičendoiden ičtazvedandad. Sikš ku vauktuz om elektromagnitižeks lainheks, ka analogižed ičendad oma elektromagnitižen sädegoičendan toižil formil, mugomid kut röntgensädeged, mikrolainhed i radiolainhed. Voib sel'gitada optižiden nägusiden enambust klassižen elektrodinamikan abul.
Optikantedomehed tedoitas optikad. Se tedo om aktualine i tedoidase äjiš lähižiš disciplinoiš, sen paloin astronomijas, inženerižen tön erazvuiččiš sarakoiš, fotografijas, medicinas (eriližešti oftal'mologii i optometrii). Voib löuta optikan otandoid kävutamižhe erazvuiččiš tehnologijoiš i jogapäiväližiš kaluiš: zerklod, linzad, teleskopad, mikroskopad, lazerad, kuidoptik.
Istorii
[vajehta | vajehtada lähtetekst]Optik augotihe linzoiden sädandaspäi Amuižes Egiptas i Mesopotamijas. Kaikiš amuižembad linzad oma löutud Krit-sarel, ned oma tehtud kvarcan poliruidud kristallišpäi, datiruihe tegesid vl 2000 EME, kaitas Iraklionan Arheologižes muzejas (Grekanma). Linzad Rodos-sarelpäi datiruišoiš läz 700. vodel EME, mugažo assirižed linzad, mugomad kut Nimrudan linz.
Amuižed rimalaižed i grekalaižed täuduiba stökolšuruid vedel tegemha linzoid. Vauktusen i nägemižen teorijoiden šingotez filosofil jäl'genzi niid praktižid satusid Amuižes Grekanmas i Indijas. Geometrine optik šingotihe Amuižiš Grekanmas i Rimas.
Homaičendad
[vajehta | vajehtada lähtetekst]- ↑ McGraw-Hill Encyclopedia of Science and Technology (Tedon da tehnologijan Makgrou-Hill-enciklopedii). — 5. pästand. — McGraw-Hill, 1993. (angl.)
 |
Optik Vikiaitas |
|
Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |