Emden

**Emden**
Lidnanznam;	Flag;
Valdkund	Saksanma
Eläjiden lugu (2020)	49,874 ristitud
Pind	112,34 km²
Pämez'	Tim Kruithoff; (kül'mku 2019—,; Tim Kruithoff)
Telefonkod	+49−492
Aigvö	tal'vel UTC+1,; kezal UTC+2

Emden (mugažo saksan kelel, virktas [ɛmdn̩], sijaline Emder, päivn.-friz.: Oamde) om lidn Saksanman da sen Alasaksonii-federacijanman lodehes, Alaman röunanno.

Istorii

Eländpunktan aluz om pandud 8. voz'sadan aigemba. Se sai lidnan oiktusid Maksimilian I-imperatoraspäi vl 1495. Alamaiden alištuz Ispanijan tobmudele kucui protestantoiden-pagenikoiden aldod lidnha 16. voz'sadan lopus, i 17. voz'sadan aigan Emden oli elokahaks lidnaks-valdkundaks. 19. voz'sadan lopus saudihe Dortmund−Ems-kanalad (269 km pitte), i Emden kändihe Rur-regionan päižeks meriportaks.

Emden om laivansauvomižen keskuz, tehtas VA-laivoid, jügulaivoid da specialižid astjoid. Järed Volkswagen-koncernan avtotegim radab Emdenas (10 tuhad radajid). Pohjoižmeren randküliden turizman keskuz.

Geografijan andmused

Lidn sijadase 1 m ü.m.t. keskmäižel korktusel. Avtoiden eksportan-importan meriport om olmas lidnas Pohjoižmeren i Ems-jogensun randal.

Eläjad

Vl 2013 lidnan eläjiden lugu oli 49 790 ristitud. Saksalaižed ottas 96 % ristitištos (2011). Kaikiš suremb ristitišt oli 53 509 eläjad vl 1975.

Religijan mödhe (2011): protestantad ― 62 %, katolikad ― 8 %, toižed uskojad i religijatomad ― 30 %.

Sättutoitud tedoiden universitet radab vspäi 1973 (läz 4 tuhad üläopenikoid).

Edeline lidnan pämez' om Bernd Bornemann (2011−2019).

Irdkosketused

Lidnan tobmuden sait (emden.de). (saks.)

Emden Vikiaitas