I

Iஇன் வளைந்த வடிவங்களை எழுதும் முறை

சைகை மொழியில் I

I (ஐ) என்பது சீர்தரத்துக்கான அனைத்துலக நிறுவன அடிப்படை இலத்தீன் நெடுங்கணக்கில் ஒன்பதாவது எழுத்தும் மூன்றாவது உயிரெழுத்தும் ஆகும். உரோம எண்களில் I என்பது ஒன்றைக் குறிக்கும்.

ஆங்கிலத்தில்

ஆங்கிலத்தில் கூடுதலாகப் பயன்படுத்தப்படும் ஐந்தாவது எழுத்து i ஆகும்.

ஆங்கிலத்தில் தன்மைப் பெயரான I என்பது, எப்போதும் ஆங்கிலப் பேரெழுத்து Iஆலேயே குறிக்கப்படும். இது ஐ என்று பலுக்கப்படும்.

கணிதத்திலும் அறிவியலிலும்

கணிதத்தில், அலகுக் கற்பனை எண்ணைக் குறிக்க $i$ பயன்படுத்தப்படுகின்றது. அலகுத் தாயத்தைக் குறிக்க I பயன்படுத்தப்படுகின்றது. காட்டீசியன் ஆள்கூற்று முறைமையில் எட்சு அச்சின் திசையிலான அலகுக் காவி தடித்த iஆல் குறிப்பிடப்படும்.

இயற்பியலில், மின்னோட்டம், செறிவு, சடத்துவத் திருப்பம் என்பவற்றைக் குறிக்க I பயன்படுத்தப்படுகின்றது.

வேதியியலில், அயடீனின் வேதிக் குறியீடு I ஆகும்.

தொடர்புடைய எழுத்துகளும் ஒத்த வரியுருக்களும்

• İ i : புள்ளியிட்ட இலத்தீன் எழுத்து i
• I ı : புள்ளியடாத இலத்தீன் எழுத்து i
• І і : மென்புள்ளியிட்ட சிரில்லிய எழுத்து i
• И и : சிரில்லிய எழுத்து i
• י : எபிரேய எழுத்து இயோது
• ㅣ : அங்குல் எழுத்து i
• 丨 : கிடை எழுத்துமுறையில் போப்போமோபோ எழுத்து i
• Ι ι : கிரேக்க எழுத்து அயோற்றா

வெளியிணைப்புகள்

• பொதுவகத்தில் I பற்றிய ஊடகங்கள்
•  I – விளக்கம்