Betastråling er stråling som består av elektron. Betastrålar er den delen av strålar frå radioaktive stoff som lettast lèt seg avbøye i magnetiske felt.
Det var Henri Becquerel som påviste i 1900 at partiklane i betastrålane (beta-partiklane) var elektron.
Utsending av betastrålar kan finne stad når eit nøytron blir omdanna (fell sund) til eit proton, eit elektron og eit nøytrino som vist i figuren. Dette blir kalla beta-sundfall. Det er òg påvist tilsvarande stråling av positivt lada partiklar frå kunstig radioaktive stoff, såkalla positron.
Strålar av elektron og positron blir karakteriserte som høvesvis β−-strålar og β+-strålar (negative betastrålar og positive betastrålar).
Betastråling blir mellom anna brukt innanfor medisin, til ulike typar kreftbehandling, og dessutan innanfor industri, for å slå fast tjukkleiken til ulike materiale basert på kor mykje betastråling som blir absorbert.
Kommentarar (2)
skreiv Knut Hofstad
skreiv Jan Olav Eeg
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.