Vatnajökull nasjonalpark er Islands og Europas største nasjonalpark. Han blei oppretta i 2008 og dekker eit område på 12 000 kvadratkilometer. Nasjonalparken er oppført på UNESCOs verdsarvliste.
Nasjonalparken omfattar heile isbreen Vatnajökull med dei tidlegare nasjonalparkane Skaftafell og Jökulsárgljúfur med omliggande område, mellom anna vulkanane Askja og Herðubreið. I Jökulsárgljúfur, lengst aust i nasjonalparken, finst ei imponerande elvekløft. Ho er over 24 kilometer lang, opp til ein halv kilometer brei og 100 meter på det djupaste.
Vatnajökull nasjonalpark er prega av eit mangfald på alle område, det vere seg landskap, planter, fugle- og dyreliv eller kultur. Grovt kan nasjonalparken delast i to område; det folketomme høglandet og det lettare tilgjengelege låglandet. Alle besøkssentra er plassert i låglandet og har kvar si utstilling om nasjonalparkens natur og kultur og utsal med vekt på lokalt handverk.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.