Ib Thomsen

Ib Kavle Thomsen kjem frå Nittedal. Han gjekk på Bjertnes videregående skole 1977–1980, tok leiarutdanning i 1983 og spesialkurs i 1986 i Forsvaret. 2000–2001 studerte han ved Handelshøyskolen BI. Han arbeidde som disponent i eige firma frå 1985 til 2005 og hadde deltidsstilling som områdesjef i Heimevernet 1999–2005.

Thomsen var medlem av Nittedal formannskap 1987–2005, medlem av styret i Nittedal Frp 1982–2005 og medlem av styret i Akershus Frp 2001–2005. Han var vararepresentant på Stortinget i periodane 1993–1997 og 2001–2005, og hadde fast plass som stortingsrepresentant frå Akershus 2005–2017. Han var opptatt av eldreomsorg, skule, samferdsel og sjukehustilbod, og 2009-2017 var Thomsen kulturpolitisk talsmann for Framstegspartiet.

• Framstegspartiet
• Stortinget
• stortingsrepresentant
• disponent

• Stortinget: Ib Thomsen