Åse Gruda Skard – Store norske leksikon

Faktaboks

Åse Gruda Skard

Fødd

2. desember 1905, Oslo

Død

13. juli 1985, Bærum

Verke

Psykolog

Familie

Foreldre: Universitetsstipendiat, seinare professor og statsråd Halvdan Koht (1873–1965) og lærar Karen Elisabeth Grude (1871–1960; sjå Karen Grude Koht).

Gift 5.1.1933 i Aker med universitetsstipendiat, seinare professor Sigmund Skard (1903–95).

Syster til Paul Koht (1913–2002); svigerinne til Olav Skard (1881–1965), Torfinn Skard (1891–1970), Bjarne Skard (1896–1961) og Eiliv Skard (1898–1978); mor til Målfrid Grude Flekkøy (1936–2013), Torild Skard (1936–) og Halvdan Skard (1939–).

Bilete frå Norsk biografisk leksikon

Åse Gruda Skard

Av Ukjent/NTB Scanpix ※.

Lisens: Avgrensa gjenbruk

Åse som barn i 1907 med foreldra Karen og Halvdan Koht.

Familieportrett

Av Ludvig Forbech/Nasjonalbiblioteket.

Lisens:

CC BY 2.0 — Åse som barn i 1907 med foreldra Karen og Halvdan Koht.

Familieportrett

Av Ludvig Forbech/Nasjonalbiblioteket.

Lisens:

Åse Gruda Skard var ein norsk psykolog. Ho oppnådde internasjonal respekt gjennom arbeidet med å spreie opplysning om anvend psykologi, barneoppseding og mentalhygiene.

Skard var dosent i psykologi ved Universitetet i Oslo i perioden 1947–1973. Bøkene hennar om barn og barns utvikling har vorte omsett til ei rekkje språk. Gruda Skard var mangeårig redaktør av Norsk Pedagogisk Tidsskrift, og hadde ei rekkje nasjonale og internasjonale verv. Ho vart utnemnd æresdoktor ved Universitetet i Bergen.

Skard har mellom anna gitt ut Vanlige vansker med vanlige barn (1965), Praktisk barnepsykologi (1972), Barn – Kultur – Samfunn (1973) og dei sjølvbiografiske minnebøkene Liv laga (1985) og Fulle hender (1986).

Ho var dotter av Halvdan Koht og Karen Elisabeth Grude Koht, gift med Sigmund Skard og dei fekk fem barn: tvillingane Målfrid (1936-2013) og Torild (1936-), tvillingane Halvdan (1939-) og Åsmund (1939-) og dottera Anne (1945-). Dei tre døtrene vart psykologar som mora, medan Halvdan vart politikar og Åsmund arkitekt.

Les meir i Store norske leksikon

Litteratur

Barn og familie – forskning og debatt : artikkelsamling til Åse Gruda Skard, 1980
Haavind, Hanne: Åse Gruda Skard – psykologiens mor i Norge, i Siri Gullestad og Anna Louise von der Lippe (red): Kvinner i psykologien, portrett av ni pionérer, side 180-201, Universitetsforlaget, 1984
Kolle, Tonje: Ordene som ble borte : et historisk og feministisk perspektiv på Åse Gruda Skards bøker om barneoppdragelse, 2000
Skard, Sigmund: Åse Gruda Skard : bibliografi 1915-1983, 1983
Skard, Åse Gruda: Kvinnesak tredje akt, Oslo/Norsk Kvinnesaksforening, 1953/2009

Faktaboks

Åse Gruda Skard

Historisk befolkingsregister-ID: pf01036373008028

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

Fagansvarleg for Psykologiens historie

Magnus Helgheim Blystad

Førsteamanuensis i Psykologi, Oslo Nye Høyskole