Eclipse lunar
| Supkategoria di | eclipse  |
|---|---|
| Karakterisá pa | gamma, magnitude of eclipse, saros series |
| Lista di tema | list of lunar eclipses |
Un eclipse lunar ta e fenomeno astronomico cu ta tuma luga ora cu e tera ta posiciona entre solo y luna, generando un cono di sombra ku ta cay riba e luna, haciendo esaki bira scur.[1] Pa un eclipse por tuma luga e tres curpanan celestial, tera, luna y solo, mester ta exactamente alinea o masha serka di esaki, di tal manera cu tera ta blokia e rayonan di solo pa yega na e luna, p'esey eclipsenan lunar por tuma luga solamente den e fase di luna yen.
Eclipsenan lunar ta wordo clasifica como parcial, ora solamente un parti di e luna ta scur, o total ora cu henter e superficie lunar a drenta den e cono di sombra terestre. E duracion y e tipo di eclipse ta depende di e localisacion di e luna relaciona cu su nodonan orbital.
Durante un eclipse lunar, e luna ta parce di ta cora-bruin. Por pensa cu e luna ta completamente scur pa motibo di e sombra di tera, pero no ta asina. E color cora-bruin ta pasobra un parti di e rayonan di solo ta pasa dor di e atmosfera di tera, lombrando riba e luna.
E eclipse lunar ta tuma luga mas o menos dos biaha pa aña; e ta diferencia cu e eclipse solar total, cu tin biaha ta tuma luga mas cu un aña foi otro. Tambe contrario na un eclipse solar, cu por wordo mira den un area chikitu, e eclipse lunar ta ser mira for di cualkier luga riba tera caminda por mira luna. E eclipse lunar por dura algun ora, mientras e eclipse solar total ta dura solamente algun minuut.
E ta safe pa wak e eclipse lunar wowo sunu y tambe cu telescop, sinembargo nunca mester wak un eclipse solar sin proteccion di wowo, ya cu e rayonan ta daña retina di wowo.
Fuente, nota i/òf referensia
|