Ilocano

L'ilocano (en ilocano: Pagsasao nga Ilokano) es una lenga austronesiana parlada a Filipinas. Es la tresena lenga mai importanta demograficament del país. Es parlada per mai de 9 milions de personas coma lenga nadiva e es emplegada coma lenga veïculara per de locutors d'autras lengas (pangasinan, ibanag, ivatan etc...) de l'airal.

Dialectologia

Existisson dos grands dialèctes en ilocano: l'amianan, que n'es lo dialècte septentrional, e l'abagatan, la varietat meridionala. Se diferéncian subretot per son biais de prononciar la letra -e-.

Fonologia

Vocalisme

Lo nombre de vocalas en ilocano pòt variar entre 5 vocalas (amianan) e 6 (abagatan)

En amianan (nòrd de l'airal): /a/, /i/, /u/, /ɛ/, /o/
En abagatan (ilocano meridional): /a/, /i/, /u/, /ɛ/, /o/, /ɯ/