Aqüeducte

Lo famós Pont de Gard, porcion d'un ancian aqüeducte roman bastit a l'entorn de 19 abans lo Crist e marcat a la tièra del Patrimòni Mondial de l'Umanitat.

Un aqüeducte (prononciat /a.kweˈðyk.te/) es un sistèma d'engenhariá idraulica destinat a carrejar l'aiga en granda quantitat entre dos luòcs aluenhats, en particular per porgir d'aiga bevabla o d'aiga d'irrigacion a las populacions. En foncion de la configuracion del terren, l'aqüeducte pòt èsser constituit de divèrsas òbras maçonadas talas coma canals, conduches, tunèls, o ponts.

L'etimologia del mot aqüeducte es lo latin aqua ductis (conduch d'aiga).