Ladakh

Ladakh es un territòri de l'Union d'Índia fasent partit de la region pus vasta de Cashmir, que fa l'objècte d'un litigi entre Índia, Paquistan e China dempuèi 1947. Es bordat per Tibet a l'èst, l'Estat indian d'Himachal Pradesh al sud, Jammu e Cashmir e Gilgit-Baltistan a l'oèst, e l'angle sud-oèst de Xinjiang a travèrs lo còl de Karakoram a l'extrèm nòrd. S'espandís del glacièr de Siachen dins lo sèrre de Karakoram al nòrd fins als principals somalhs imalaians al sud. L'extremitat èst de Ladakh, constituïda de las planas inabitadas d'Aksai Chin, es sos contraròtle chinés dempuèi 1962. Fins en 2019, Ladakh èra una region de l'ancian Estat de Jammu e Cashmir. En agost de 2019, lo Parlament indian adoptèt una lei que faguèt venir Ladakh un territòri de l'Union lo 31 d'octobre de 2019.

Dins lo passat, Ladakh aviá una importància estrategica gràcia a son emplaçament a la crosada d'importantas rotas comercialas, mas dempuèi que las autoritatss chineses tanquèron las frontièras amb Tibet e l'Asia centrala dins los ans 1960, le comèrci internacional s'es demesit, levat per lo torisme. Dempuèi 1974, lo govèrn indian a capitat d'encoratjar lo torisme en Ladakh. Coma Ladakh fa partit de la region de Cashmir estrategicament importanta, l'armada indiana manten una fòrta preséncia dins la region.

La pus granda vila de Ladakh es Leh, seguida de Kargil. Lo districte de Leh compren las vals fluvialas d'Indus, de Shyok e de Nubra. Lo districte de Kargil conten las vals de las ribièras Suru, Dras e Zanskar. Las principalas regions pobladas son las vals fluvialas, mas las pendas de las montanhas abrigan tanben los nomads pastorals changpa. Los principals grops religioses de la region son los musulmans (principalament chiits) (46%), los bodistes tibetans (40%), los indos (12%) e autres (2%). Ladakh es una de las regions mens pobladas d'Índia e sa culturq e son istòria son estreitament ligadas a las de Tibet.