Himachal Pradesh (en indi: हिमाचल प्रदेश, literalament "província ennevada"), es un estat del nòrd d'Índia. Situat dins l'Imalaia occidental, es bordat per los territòris de l'Union de Jammu e Cashmir e de Ladakh al nórd, l'Estat de Panjab a l'oèst, l'Estat d'Haryana al sud-oèst, l'Estat d'Uttarakhand al sud-èst e la region de Tibet a l'èst. À son punt pus al sud, tòca tanben l'Estat d'Uttar Pradesh.
La region a predominància montanhosa comprenent l'actual Himachal Pradesh es estat abitada dempuèi l'epòca preïstorica, e vegèt nombrosas èrsas de migracion umana en provenància d'autras regions. Durant son istòria, la region foguèt principalament dirigida per de reialmes locals que d'unes acceptavan la suzeiranetat de pus grands empèris. Abans l'indepéndencia d'Índia dels britanics, Himachal compreniá las regions montanhosas de la província de Panjab en Índia britanica. Après l'independéncia, nombroses territòris montanhoses foguèron organizats coma la província del commissari en cap d'Himachal Pradesh qu'es vengut pus tard un territòri de l'Union. En 1966, de zonas valonadas de l'Estat vesin de Pandjab foguèron fusionadas amb Himachal e obtenguèt fin finala l'estatut d'Estat en 1971.
Índia
