Kasakhisk

Kasakhisk qazaq tili, қазақ тілі, قازاق ٴتىلى
Klassifisering	Altaisk  Tyrkisk   Vesttyrkisk    Aralkaspisk     Kasakhisk
Bruk
Tala i	Kasakhstan Folkerepublikken Kina Mongolia
Kasakhisktalande i alt	8 178 879
Offisiell status
Offisielt språk i	Kasakhstan
Språkkodar
ISO 639-1	kk
ISO 639-2	kaz
ISO 639-3	kaz
Wikipedia på kasakhisk

Kasakhisk er eit tyrkisk språk som blir snakka i Kasakhstan, der det er offisielt språk i lag med russisk, men også i områda rundt Kasakhstan. Språket utgjer saman med karakalpakisk, kirgisisk og nogai den aralo-kaspiske gruppa av vesttyrkiske språk.

Utbreiing

• ca. 6 mill. i Kasakhstan
• ca. 1,2 mill. i Kina, særleg i nordlege og austlege Xinjiang, nordvest i Gansu og Qinghai
• ca. 200 000 i Mongolia, mest i nordvest
• ca. 3 000 i Iran, i provinsen Mazanderan ved kysten av Kaspiske hav
• ca. 2 000 i nordlege Afghanistan, særleg vest for Kunduz
• ca. 600 i Tyrkia, i landsbyen Salihli i Manisa og i Kayseri.
• Kasakhisk blir også snakka av mindre grupper i Kirgisia, Russland, Tadsjikistan, Turkmenistan, Ukraina, Usbekistan og Tyskland.

Språket blir skrive med kyrillisk alfabet i Kasakhstan og Mongolia, arabisk alfabet i Kina, Iran og Afghanistan, og med latinsk alfabet i Tyrkia.

Grammatikk

Morfologi

Kasakhisk har sju kasus, nominativ, akkusativ, genitiv, dativ, lokativ, ablativ, instrumentalis.

Verb blir bøygd i tempus, aspekt og modus.

Bakgrunnsstoff

• Kazakh Arkivert 2011-02-01 ved Wayback Machine. - UCLA Language Materials Project, University of California Los Angeles (UCLA).