Gloucestershire

	Gloucestershire
	grevskap
Land	England
Region	Sørvest-England
Areal	3 150 km²
Folketal	840 200 (2008)
Grunnlagd	Historisk
Status	Seremonielt og ikkje-metropolitansk grevskap
	; Gloucestershire; 51°50′00″N 2°10′00″W / 51.833333333333°N 2.1666666666667°W
	Kart som viser Gloucestershire. Kart som viser Gloucestershire.
	Wikimedia Commons: Gloucestershire

Gloucestershire er eit grevskap sørvest i England. Grevskapet består av delar av Cotswold Hills, delar av den flate, frodige dalen til elva Severn og heile Forest of Dean.

Administrasjonsbyen er Gloucester og andre viktige byar er Cheltenham, Stroud, Cirencester og Tewkesbury.

Det seremonielle grevskapet grensar til Gwent i Wales (i dag Monmouthshire) og i England til dei seremonielle grevskapa Herefordshire, Worcestershire, Warwickshire, Oxfordshire, Wiltshire, Somerset og Bristol. Som administrativt grevskap omfattar det ikkje South Gloucestershire som er ei sameint styresmakt.

Historie

Gloucestershire er eit historisk grevskap nemnt i den anglo-saksiske krønika på 900-talet, men Winchcombe og Forest of Dean vart ikkje ein del av grevskapet før seint på 1000-talet. Gloucestershire omfatta opphavlet den «vesle byen» Bristol. Bristol vart ein del av det administrative grevskapet Avon i 1974.

Då Avon vart oppheva i 1996 vart regionen nord for Bristol ei sameint styresmakt kalla South Gloucestershire og er i dag ein del av det seremonielle grevskapet Gloucestershire.

I juli 2007 vart Gloucestershire råka av storflaum, ein av dei verste ein veit om i britisk historie. Titusenvis av innbyggjarar vart råka. Skadane vart estimerte til over to milliardar pund.^[1]

Grevskapet kom seg raskt etter katastrofen og har sidan satsa mykje på turisme i området.