Alessandro Altobelli
 Alessandro Altobelli i 1982 | |||
| Personleg informasjon | |||
|---|---|---|---|
| Fødselsdato | 28. november 1955 (68 år) | ||
| Fødestad | Sonnino i Italia | ||
| Høgd | 181 cm | ||
| Posisjon | Midtbanespelar | ||
| Seniorkarriere* | |||
| År | Lag | Kampar | (Mål) |
| 1973-1974 | Latina Calcio 1932 | 28 | (7) |
| 1974-1977 | Brescia | 76 | (26) |
| 1977-1988 | Inter | 317 | (128) |
| 1988-1989 | Juventus | 20 | (4) |
| 1989-1990 | Brescia | 32 | (7) |
| Totalt | 472 | (172) | |
| Landslag | |||
| 1980-1988 | Italia | 61 | (25) |
| * Seniorklubbkampar og mål berre telt for nasjonal liga | |||
Alessandro Altobelli (fødd 28. november 1955) er ein tidlegare fortballspelar frå Sonnino i Italia. Han vart verdsmeister med Italia i 1982 og vann både cupmeisterskap og seriemeisterskap med Inter, ein klubb han spelte for i 11 år.
Klubbspel
[endre | endre wikiteksten]Altobelli debuterte på nivå tre i italiensk fotball i 1973 med klubben Latina. Frå 1974 til -77 spela han på Serie-B-klubben Brescia, der han skåra 26 mål på 76 kampar.
Sommaren 1977 vart han overført til toppklubben Inter. Dei neste elleve sesongane spela Altobelli 317 ligakampar for Milano-klubben og skåra 128 seriemål. Her opplevde han å verte cupmeister i 1978, seriemeister 1980 og atter cupvinnar i 1982. Til saman spela han 466 obligatoriske kampar og skåra 209 mål for Inter.
Altobelli spela ein siste sesong i serie A, 1988/89, på Juventus. I sin aller siste sesong, 1989/90, spela han atter for Brescia i Serie B.
Landslagsspel
[endre | endre wikiteksten]Altobelli debuterte for Italia under europameisterskapen 1980 på heimebane. I Roma spela han andre-omgangen i ein mållaus kamp mot Belgia. Han fekk rimeleg fast plass på Italias landslag frå hausten 1980. I 1982 var han med då Italia vart verdsmeistrar i fotball. I VM-finalen byrja han på innbytarbenken, men kom inn allereie i det åttande minutt, då Francesco Graziani var skadd. Altobelli skåra Italias tredje og siste mål i kampen. Han deltok for Italia også i Fotball-VM 1986 og Fotball-EM 1988. Semifinalen mot Sovjetunionen i den siste turneringa vart hans siste opptreden i landslagstrøya, då Italia rauk ut med 0-2. Altobell skåra 25 mål på 61 landskampar mellom 1980 og 1988.
Merittar
[endre | endre wikiteksten]- VM-gull 1982 for Italia
- Italiensk cupmeister 1978 og 1982 med Inter
- Italiensk seriemeister 1980 med Inter
Kjelder
[endre | endre wikiteksten]- Denne artikkelen bygger på «Alessandro Altobelli» frå Wikipedia på tysk, den 3. november 2012.
 | ||
| ||
| ||
| ||