Specs Powell
Gordon „Specs“ Powell (* 5. Juni 1922 in New York City; † 15. September 2007 in San Marcos, Kalifornien) weer en US-amerikaansch Jazz-Slagtüüchspeler vun den Swing un Bop.
Powell speel anfangs neben Slaftüüch ok Klaveer in sien eegen Combo, wessel denn aber Enn‘ vun de 1930er Johren ganz to dat Slagtüüch. He speel tonächst mit en eegen Ensemble (1938) un dornah mit Edgar Hayes (1939), Eddie South (1939/1940), dat John Kirby Sextett (1941/1942), Benny Carter (1941/1942) un Ben Webster. Af 1943 weer he as eerst Afroamerikaner Studiomusiker bi CBS, van 1947 bit 1972 weer he Liddmaat vun dat Ray Bloch Orchestra, mit dat he in de Feernsehshows vun Ed Sullivan un Jackie Gleason uptreeden dee. Bi CBS wark Powell bi Upnahmen ünner annern vun Alfredo Antonini, Frank Sinatra, Harry Belafonte, Carroll Burnet, Melba Moore un Barbra Streisand mit. Dorneben speel he aber ok wieder Jazz, to’n Bispeel mit Benny Goodman 1944, dat Red Norvo Sextett 1944/1945, Mildred Bailey, Clyde Hart, Billie Holiday, Erroll Garner un in’n Trio mit Teddy Wilson. Sien eenzig Upnahm ünner eegen Naam speel he 1957 för Roulette in.
He weer verheiraadt un harr dree Kinner.