Грузиска кујна

Грузиска кујна – стилови на готвење и јадења кои се создадени во Грузија и која ја подготвуваат грузиските луѓе ширум светот. Грузиската кујна е единствена за целата земја, но има и некои влијанија од другите европски и блискоисточни кулинарски традиции. Секоја историска покраина на Грузија има своја кулинарска традиција, со варијации како што се мегрелиската, кахетската и имеретската кујна. Покрај разните јадења со месо, грузиската кујна исто така нуди разновидни вегетаријански јадења.

Грузиската кујна е резултат на богатата меѓусебна поврзаност на кулинарските идеи спроведени по трговските патишта, од страна на трговци и патници. Важноста на храната и пијалаците за грузиската култура е најдобро забележана за време празникот наречен супра, кога се подготвува голем асортиман на јадења, проследен со големи количини вино и може да трае со часови. На грузиските празници, улогата на тамадата (оној кој управува со здравиците) е важна и нејзината позиција се почитува.

Грузиските ресторани беа широко распространети во Русија во текот на XX век, благодарение на фактот дека Јосиф Висарионович Сталин бил етнички Грузиец и дека тој особено ја сакал домашната храна и пијалак. Во Русија, сите поголеми градови имаат многу грузиски ресторани, а руските ресторани често имаат грузиски прехранбени производи на нивното мени.

Во земјите од поранешниот Советски Сојуз, грузиската храна е исто така популарна поради населувањето на Грузијците во другите советски републики.

Предјадења

• 
  Предјадење од модар патлиџан
• 
  Кучмачи, јадење од пилешки дроб
• 
  Мчади, традиционален пченкарен леб

Леб

Традиционалните грузиски лебови се различни и вклучуваат тонис пури, хачапури (леб со сирење), шоти пури и мчади . Традиционално, тие се печат во големи, кружни, добро дизајнирани печки наречени т'оне.

• 
  Имерули Хачапури од регионот Имеретија
• 
  Аџарули Хачапури од регионот на Аџарија

Сирење

• 
  Сирење надуги со нане завиткано во тенки парчиња сирење сулгуни
• 
  Тенили

Сосови и зачини

Сосовите и зачините кои најчесто се користат во грузиската кујна се:

• Аџика - зачинети тестенини или сос со чили пиперки
• Хмели-сунели - мешавина од мирудија и билки во прав
• Сациви - еден вид на сос од ореви
• Ткемали - еден вид на сос од сливи

• 
  Мегрелска аџика
• 
  Сациви
• 
  Ткемали

Пијалаци

Алкохолните пијалаци од Грузија се чача (бренди) и вина. Некои од најпознатите грузиски вина се пиросмани, алазани, ахашени, саперава и киндџмараули. Винската култура во Грузија датира од пред повеќе од илјада години и многу грузиски вина направени од традиционалните грузиски сорти на грозје кои се малку познати на Запад, како што саперави и ркацители. Грузиското вино е добро познато низ цела Источна Европа и е значајно за националниот извоз, а годишно се извезуваат повеќе од 10 милиони шишиња вино. Грузија е исто така дом на многу пивски брендови, вклучувајќи ги и натахтари, казбеги, арго, кари и кава.

Литература

• Mack, Glenn Randall; Surina, Asele (2005). Food Culture in Russia and Central Asia. Greenwood Publishing Group. стр. 10. ISBN 978-0-313-32773-5. Mack, Glenn Randall; Surina, Asele (2005). Food Culture in Russia and Central Asia. Greenwood Publishing Group. стр. 10. ISBN 978-0-313-32773-5. Mack, Glenn Randall; Surina, Asele (2005). Food Culture in Russia and Central Asia. Greenwood Publishing Group. стр. 10. ISBN 978-0-313-32773-5. Mack, Glenn Randall; Surina, Asele (2005). Food Culture in Russia and Central Asia. Greenwood Publishing Group. стр. 10. ISBN 978-0-313-32773-5.

Надворешни врски

• Грузиски рецепти за Грузиски рецепти на [1]
• "Хвино вести" – вински вести од Република Грузија Архивирано на 1 октомври 2020 г.
• Грузија храна и рецепти