Kipang
Kue kipang adolah salah satu kuliner di Sumatera Barat. Kue kipang iko ado disatiok tampek di Ranah Minangkabau. Camilan iko dapek di dapek-an di Bukittinggi misalnyo. Masyarakat satampek manjadian kue Kipang iko sabagai makanan satiok hari baitu pulo di daerah-daerah lain di Sumatera Barat. Camilan iko dapek untuak oleh-oleh nan paliang efektif, efisien jo paliang murah di dapekan, misalnyo di balai, di kadai, jo di Bandara Internasional Minangkabau lah ado nan manjua kue kipang iko.
Kue Kipang iko adolah samo jo olahan kacang tanah. Kacang tanah diolah, salanjuiknyo barandam jo gulo saka. Malalui sarangkaian proses, kamudian manjadi makanan nan disabuik tadi adolah Kipang Kacang. Bahan dasarnyo adolah kacang tanah, untuak bumbunyo iyolah gulo saka nan manjadi dominan. Gulo saka beko manjadi pambuek raso nan manih. Salain itu, gulo saka manjadi paralu katiko ka malakekkan kacang tanah supayo murah bacetak di loyang untuak di panggang. Rupo kue kipang mambantuak sagi ampek. Mulonyo, dapek mambantuak salain sagi ampek, sasudah malalui sarangkaian proses kue kipang dikarek mambantuak sagi ampek agak ketek. Tujuannyo adolah supayo labiah murah mambungkuihnyo.
Makanan iko dahulunyo hanyo dibungkuih jo daun pisang atau karateh koran. Tapi, kini zaman lah barubah kue ko dibungkuih jo palastik. Sadoalah olahan iko kamudian dimasuakkan kadalam palastik jo dijua harago nan dapek dijangkau masyarakat.
Rujuakan
[suntiang | suntiang sumber]Dani, Surya. "Analisis Usaha Kipang H. Anas di Kota Padang".