Zavamaneno tsofina
Ny zavamaneno tsofina dia zavamaneno misy ny feony noho ny fihovitrovitry ny rivotra ao anatiny vokatry ny fitsofana azy na ny fandalovan' ny rivotra ao aminy. Anisan' ity sokajin-javamaneno ity ny feon' olombelona. Mitsinjara amin' ny fianakaviana roa lehibe, ankoatry ny hafa, ny zavamaneno tsofina:
- ireo izay mamoaka feo vokatry ny fihovirovitry ny lelan-javamaneno na vokatry ny fihovitrovitry rivotra miditra eo am-bavan' ilay zavamaneno, ireo no atao hoe "Hazo", anisany ny sodina isan-karazany sns (tsy misy lelany), ny angorodao, ny angorodaovava sns (misy lelany tsy misy manohana), ny klarinety sy ny saksôfônina sns (tokan-dela), ny basôna sy ny hôboà sns (roa lela);
- ireo izay mamoaka feo vokatry ny fihovitrovitry ny molotry ny mpitsoka azy; ireo no atao hoe "Varahina"; ahitana ny trompetra, ny trômbônina, ny bingona, ny sakshôrna, ny tiobà, ny anjombona, antsiva, sns.
Ireo sokajin-javamaneno ireo dia miankina amin' ny fomba famoahan' ny zavamaneno feo fa tsy amin' ny fitaovana ampiasaina amin' ny fanamboarana azy. Noho izany dia azo amboarina amin' ny karazana akora rehetra (hazo, metaly, plastika, pleksiglasy, kristaly, ivoara na taolana) ny zavamaneno, ary ny sasany dia mampiasa teknôlôjia mekanika, elektrônika na solosaina.
Ny haavom-peo dia voafaritry ny halavan' ny fantsona sy ny fanovan' ny tanana ny halavan' ny lalana tena misy ilay rivotra mihovitrovitra.