Samarbeidspartnarar (Vesle norske leksikon)

Sparebankstiftinga DNB er er ei stifting som gir støtte til gode prosjekt i heile Noreg. Dei har gitt 14,55 millionar kroner til Lille norske leksikon i åra 2022–2026. Sparebankstiftinga DNB er medlem i Foreningen Store norske leksikon.

Fritt Ord er ei stifting som gir støtte til prosjekt som fremjar ytringsfridom og demokrati. Dei var dei første som gav støtte til Vesle norske leksikon i 2021. Til saman har dei gitt 6,25 millionar kroner i støtte for åra 2022–2026. Fritt Ord er medlem i Foreningen Store norske leksikon.

NFFO er fagforeininga for forfattarar og omsetjarar som jobbar med sakprosa. Dei har gitt 2 millionar kroner til Vesle norske leksikon i åra 2022–2025. Mange av forfattarane som skriv i leksikonet er medlemmer i NFFO. NFFO er òg medlem i Foreningen Store norske leksikon.

Bergesenstiftelsen er ei stifting til minne om skipsreiar Sigval Bergesen. Dei gir støtte til gode prosjekt i heile Noreg. Dei gav 250 000 kroner i støtte til Vesle norske leksikon i 2022.

Bufdir er eit statleg direktorat som jobbar med barn, ungdom, oppvekst, barnevern, likestilling og inkludering. I 2022 gav Bufdir 800 000 kroner i støtte til universell utforming av Vesle norske leksikon og ei stor utprøving av tekstar som vart gjennomført våren 2023.

Lesesenteret forskar på lesing og på korleis elevar lærer. 21 av tekstane i Vesle norske leksikon vart prøvde ut av ca. 1400 skuleelevar og 60 lærarar våren 2023. Lesesenteret ved Universitetet i Stavanger hjelpte til med å forme ut spørsmål til tekstane, for å sikre gode svar. Universitetet i Stavanger er medlem i Foreningen Store norske leksikon

Foreningen !les arbeidar for å spreie leselyst til barn og ungdom i Noreg. Dei har hjelpt Vesle norske leksikon med å kome i kontakt med mange lærarar og elevar. Dei har òg hjelpt til med å spreie informasjon om Vesle norske leksikon til lesarane dei er i kontakt med.

Dysleksi Norge er ein organisasjon som jobbar for rettane til folk med lese- og skrivevanskar, matematikkvanskar og språkvanskar. Dei har kome med råd om korleis leksikonet kan bli godt å lese for folk med dysleksi. Medlemmer i organisasjonen har òg vore med i utprøvinga, og gitt tilbakemeldingar på tekst.

Naob.no er ei digital ordbok. Dei tilsette i NAOB er ekspertar på kva ord betyr og dei har fagsjekka mange artiklar i Vesle norske leksikon. NAOB deler kontor med Store norske leksikon.

Leser søker bok er ein organisasjon som gir forfattarar, forlag og bibliotek råd om korleis bøker kan passe for folk med lesevanskar eller anna morsmål. Leser søker bok har gitt råd om korleis Vesle norske leksikon kan få enkel tekst.

Nynorsk kultursentrum jobbar for at det skal finnast gode tekstar på nynorsk. Dei har gitt råd om nynorsk-artiklane i Vesle norske leksikon. Nynorsk kultursentrum er medlem i Foreningen Store norske leksikon.