Ampicilline

Ampicilline eza antibiotique oyo basalelaka mpo na na komibatela na ba infection ya ba bactérie. Yango ebatelaka na ba infection ya ba voies respiratoires, ba infection na ba nzela ya masuba, méningite, ba infection ya salmonelle, mpe endocardite. Bakoki mpe kosalela yango mpo na komibatela na ba infection streptocoque ya groupe B mpo na bana. Baselelaka ya ngo na nzela ya monoko, ya tonga na misunyi ya nzoto, to tonga na mizisa ya nzoto. Esalisaka mpeza te mpo na ba infection kowuta na virus.

Ba effet secondaire oyo eyebani mingi eza kobeba loposo, nausée, na pulupulu. Esengeli te kosalela nkisi oyo epayi ya batu baza allergique na penicilline. Ba effet secondaire ya makasi ekoki kozala colite à Clostridium difficile to anaphylaxie. Ntango bazali kosalela yango mpo na baye baza na mikakatano ya rein esengeli kokitisa dose. Kosaleka yango na eleko ya zemi mpe ya komelisa mwana libele emonani neti eza malamu.

Ampicilline esalemaki na mobu ya 1961. Ezali na Liste ya ba Nkisi ya Ntina ya Organisation Mondiale ya Santé, nkisi oyo esengeli kozanga te na ba lopitalo. Talo mpo na kosomba yango na mipiko-mipiko eza kati ya 0.13 na 1.20 USD na flacon ya nkisi ya kotuba na mizisa kotala na mobu ya 2014. Na Etats Unis ezali kozwama bo ba générique mpe talo mpo na mikolo zomi ya traitement eza 13 USD.