Pokémon
|
|
Quel articul chì l'è scrivüü in Lumbard, cun l'urtugrafia insübrica ünificada. |
Pokémon (ポケモン Pokemon) l’è una serie de videogioch giapunesa fada sö ind el 1996 del Satoshi Tajiri e püblicada de Nintendo. I protagunist dela serie i henn di muster imaginari ciamaa Pokémon. El grand sücess dela serie in tüt el mund l’ha purtaa ala creaziun de anime, film, manga, un giögh de carte culeziunabil, liber e tant gadget.
El nom
[Modifega | modifica 'l sorgent]El nom l’è un compost apologich, l’è de dir che l’è furmaa da dü parol ingles: Pocket Monster ('ポケットモンスター'Poketto Monsutā, «muster de sacocia»). Ind el principi, la cuntraziun gh’era per la dimensiun picinina del scherm del Game Boy: defatt duveva vess “Pockemon”, cume è pussibil videe ind el giögh de carte e nell’anime. A bun cünt s’è sernii de de tö via la “c” per evitaa cunfüsiun e anca per ragiun cumerciai ligaa al’esistenza de Monster in my pocket. Ind el nom gh’è la litera acentada “é” minga per indicaa i acent, che gh’henn no in ingles e nianca in giapunes, ma per faa diferenza da la parnunzia, per esempi, del verb ingles “to poke”, e per faa videe che la “e” de Pokemon l’è minga muta.
I videogiögh de Pokémon han vendüü, al 2009, püssé de 190 miliun de copi. Ind el 2010, dumaa in Giapun, i henn staa vendüü püssé de 5 miliun de copi de Pokémon Versiun Negra e Versiun Bianca.
Ligamm de fö
[Modifega | modifica 'l sorgent]- Sit üficial giapunes di Pokémon
- Sit üficial ingles di Pokémon
- Bulbapedia, la cumünita purtata inanz dela Pokémon encyclopedia