Toxandrië

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

---

Toxandrië óp n kaart van Centraal Europa tösje 919-1125.

Toxandrië (Texandrië, soms ooch Taxandria) waor e gebied dat zich oetsjtrekde van de Kempe in 't zuide bies de Maas in 't noorde. In 't ooste grensde 't an de Maasgouw, in 't weste an de Sjelde en de Dijle.

't Gebied zów dör de Romeine Taxandria geneumd zieë ömdat d'r väöl taxus greujde, die van gooj kwaliteet waore. Ze gebruukde 't hoot van de taxussen oonder aandere öm bäög van te make. Get oosteleker, oongeveer in 't Limburg van allewiel, wónde in d'r örsjte ieëw vör Christus de Eburone wat 'Taxusboere' zów betekene. Wie in de örsjte ieëwe n.Chr. Wes-Germaanse sjtamme zich in 't gebied kieëme vestige, waoërte dis es Toxandriërs (of Toxandri) gekaand. In d'r vèrde ieëw n.Chr. vestigde zich Salische Franke in Toxandrië en die zówwe oonder d'r naam Merovinger van hieoet hun mach oetbreide över groeëte dele van Europa.