Taxus
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
D'r taxus (Taxus baccata) is 'ne conifeer oet de taxusfamilie (Taxaceae). De plaant keumt van nature vör in d'r Benelux. D'r taxus is 'ne langzaam greujende boom en kan 12-20 m hoeëg waeëre. E is twieëhoezig (dus manneleke en vrówweleke plaante). D'r boom kan hieël aod waeëre; in Ingelaand zeunt beum belaand van vör ós jaortèlling.
D'r taxus is ernorm giftig; 't aeëte van èng bes, en da mèt name d'r kaeën of pit zów e paeërd noodlottig zieë. Ooch bie 't zaege en verwèrke van 't hoot mót me raeëkening haowe mèt giftige besjtaanddele wie taxine. 't Zów e besjtandeel zieë van gifpiele en veroorzaakt hartritmesjtoornisse en - sjtilsjtaand, laever- en neerbesjadiginge. D'r taxusboom wert gebroekd in hage; e lèt zich gemekkelek sjnoeje en löpt gemekkelek wer oet. 't Hoot van d'r taxus is hieël buigzaam en sjtaerk en d'r waoërte en werre dan ooch bäög van gemakd.
Ow taxusse in Nederland en Belsj
[bewirk | brón bewèrke]- In Arboretum Trompenburg Rotterdam sjteet 'ne taxus oet 1870.
- D'r Caesarsboom in Lo.
