Archaeologicum Museum Thessalonicae

Aditus musei

Ornamenta insigniaque aurea Macedoniae antiquae inter res maximi momenti in museo asservatas numerantur.

Archaeologicum Museum Thessalonicae (Neograece Αρχαιολογικό Μουσείο Θεσσαλονίκης) res in in locis archaeologicis Thessalonicae et Macedoniae Graecae repertas propalam collocat.

Historia

Museum anno 1912 conditum est, postquam urbs Ottomanica a Graecis occupta est. Usque ad annum 1925 reperta antiqua in aedificio urbi administrando Neograece Κονάκι dicto et in Universitate Thessalonicensi servata sunt. Anno 1925 Turcis in exsilium eiectis antea meschita Yeni Cami dicta museum factum est. Novum museum anno 1962 confectum et interim pluries renovatum ab anno 2006 historiam Thessalonicae Macedoniaeque ab aevo praehistorico usque ad antiquitatem posteriorem demonstrat. Res Berginae repertae, inter quas sepulcrum Philipp II regis Macedoniae, anno 1997 in museum ibidem aedificatum translatae sunt.

Pinacotheca

• 
  Basis statuae saec. 2 a.C.n. inscriptione instructa: ΘΕΣΣΑΛΟΝΙΚΗΝ ΦΙΛΙΠΠΟΥ ΒΑΣΙΛΙΣΣΑΝ.
• 
  Crater Derbeniensis (330-320 a.C.n.).
• 
  Harpocrates (saec 2 a.C.n.).
• 
  Insigne regium aureum.
• 
  Armilla aurea.
• 
  Nummi aurei cum "stella Berginae".
• 
  Medalia Romana Olympiaden Alexandri Magni matrem demonstrans.
• 
  Sepulcrum Macedonicum (circa annum 520 a.C.n.].
• 
  Sarcophagus, Graeci heroes aprum Calydonium venantes.
• 
  Aspectus in musei oecum.
• 
  Crater Atheniensis figuris rubris pictus (saec. 5 a.C.n.).
• 
  Crater aeneus fabricae Macedonicae (circa annum 370 a.C.n.).
• 
  Caput Serapidis (circa annum 150-200).

Nexus externis

Vicimedia Communia plura habent quae ad Archaeologicum Museum Thessalonicae spectant.

• Situs musei interretialis