Kolaj

Kolajeke bi navê Nostaljî (Bêrî), ji parçeyên wêne û rûpelên pirtûkan hatiye çêkirin

Kolaj (ji zimanê fransî Collage tê wateya tiştên pevre zeliqandî, coller, zeliqandin), teknîkeke bi taybetî di hunerên dîtbarî de ye.

Di berhemên bi vî awayî de hunermend hin tiştên wekî kaxiz, parçeyên berhemên din û materyalên cûrbecûr dibire û li ser rûyê berhemê ve bi şîrêzê dizeliqîne.

Navê collage di destpêka sedsala 20'an de ji aliyê hunermendên Georges Braque û Pablo Picasso ve hatiye bikaranîn û bi vî awayî wekî şêweyeke di hunera nûjen de hatiye pejirandin.

Çend teknîkên din ên kolajane yên ku di hunerê de tên bikaranîn ev in: dekûpaj, fotomontaj, kolaja dîjîtal, eKolaj (kolaja elektronîk) û hwd.