Google Awdarmashı
Google Awdarmashı | |
---|---|
![]() | |
Házirgi jaǵdayı | Belsendi |
Til(ler) | kóp tilli |
Iyesi | |
Avtor(lar) | |
URL | translate.google.com |
Google Awdarmashı (inglisshe Google Translate)—Google kompaniyasınıń tekst yamasa web-betlerdi birneshe tilge awdarmalaw ushın arnalǵan web-xızmeti. Kompaniya maǵlıwmatlarına qaraǵanda, 2013-jılǵa kelip Google Awdarmashıdan paydalanıp atırǵanlar sanı kúnine 200 million adamǵa jetti[1]. Házirde Google Awdarmashı 90 dana tildi qollay aladı. 2014-jıl dekabr ayında Google Awdarmashıǵa ózbek tili da qosıldı.
SYSTRAN texnologiyasın qollawshı Babel Fish hám AOL sıyaqlı basqa awdarma xızmetlerinen ayrıqsha, Google Awdarmashı Translate.com sıyaqlı óz programmalıq támiynatınan paydalanadı. Google Awdarmashı ózi uyreniwshi mashina awdarması algoritminen paydalanadı.
Múmkinshilikleri
[redaktorlaw | derekti redaktorlaw]Google Awdarmashı pútkil web-betti awdarma ete aladı. Web-dizaynerler ushın kompaniya xızmetkerleri tárepinen sayttı barlıq ruxsat etilgen tillerge awdarmalawdı shólkemlestiriwge múmkinshilik jaratıwshı skript islep shıǵılǵan.
Google Awdarmashı basqa avtomatikalıq awdarma ásbapları sıyaqlı óz sheklewlerine iye[2]. Bul ásbap paydalanıwshıǵa shet tilindegi tekst quramınıń ulıwma mazmunın túsiniwge járdem beredi. Biraq, ol kóbinese anıq awdarmalardı usınıs etpeydi. Sol sebepli turaqlı túrde awdarma sapası boyınsha jumıslar alıp barıladı, basqa tillerge awdarmalar jaratıladı.
Qásiyetleri
[redaktorlaw | derekti redaktorlaw]Variantlardı beriw statistikalıq algoritm tárepinen qadaǵalanǵanlıǵı sebepli ápiwayı keń qollanılatuǵın sózlerdi awdarmalawda Google Awdarmashı múmkin bolǵan variantlar ishinen senzura talaplarına juwap bermeytuǵın sózlerdi de usınıs etiwi múmkin. Awdarma nátiyjesine qandayda bir kóp usınıs etiletuǵın, tiykarınan gumansız nadurıs bolǵan awdarma variantları da tásir etiwi múmkin.
Google Awdarmashı qálegen qollanılatuǵın tilden qálegen basqa qollanılatuǵın tilge awdarma etedi, bıraq, kópshilik jaǵdaylarda tiykarınan awdarmanı inglis tili arqalı atqaradı. Ayırım jaǵdaylarda sol sebepli awdarma sapası tómenleydi. Ayırım tiller ushın awdarma eki processten ótedi: tekst dáslep jaqın-aǵayin tilge awdarıladı, keyin inglis tiline awdarma etiledi. Tómende usı algoritmnen ótetuǵın tiller keltirilgen:
- belorussha ↔ russha ↔ inglisshe ↔ basqa
- ukrainsha ↔ russha ↔ inglisshe ↔ basqa
- galisiyasha ↔ portugalsha ↔ inglisshe ↔ basqa
- makedonsha ↔ bolgarsha ↔ inglisshe ↔ basqa
- slovaksha ↔ chexsha ↔ inglisshe ↔ basqa
- urdushe ↔ hindshe ↔ inglisshe ↔ basqa
Ózbek tili
[redaktorlaw | derekti redaktorlaw]2014-jıl 11-dekabrde Google Awdarmashıǵa ózbek tili da qosıldı[3]. Bunı ámelge asırıwda ózbek tilin bilgen volontyorlar járdeminen hám de Shavkat Botayevtiń ózbekshe sózliginen paydalanıldi[4].
Ózbek tili eń dáslep qosılǵanda awdarma sapası júdá jamanlıǵı baqlandı[5]. Ózbek tilinen inglis hám basqa tillerge yamasa ózbek tiline awdarma etilgen gápler túsiniksiz yamasa ulıwma basqa mánis payda etti. Mısalı, inglis tilindegi «I am from Uzbekistan» gápi ózbekshege «Men Ózbekstannan emespen» dep awdarma etildi. Házirde bul máseleler jónge salınǵan. Mısalı, inglis tilindegi «I am from Uzbekistan» gápi ózbekshege «Men Ózbekstanlıqpan» dep awdarma etiledi.
Siltemeler
[redaktorlaw | derekti redaktorlaw]- Google Tarjimon xizmati
- Rasmiy Google Tarjimon blogi
- Google Tarjimon maʼlumot markazi
- Google Tarjimon boʻyicha tez-tez beriladigan savollar
- «Google Translate Community for Uzbek» Facebook guruhi
- Teach You Backwards: An In-Depth Study of Google Translate for 103 Languages Arxivlendi 2019-12-24 Wayback Machine saytında.
Derekler
[redaktorlaw | derekti redaktorlaw]- ↑ Shankland, Stephen „Google Translate now serves 200 million people daily“ (inglizcha). CNET. CBS Interactive Inc. (15-may 2013-jıl). Qaraldı: 14-dekabr 2014-yil.
- ↑ „Find out how our translations are created“ (inglizcha). Google Translate. Qaraldı: 14-dekabr 2014-yil.
- ↑ „Google Translate Adds Kazakh, Tajik, Uzbek Languages“ (inglizcha). RFE/RL (12-dekabr 2014-yil). Qaraldı: 14-dekabr 2014-yil.
- ↑ „Google Translate - 10 more languages with your help“ (inglizcha). Inside Search (11-dekabr 2014-yil). Qaraldı: 14-dekabr 2014-yil.
- ↑ Umaraliyev, Toʻlqin „Google Translate tarjimoniga oʻzbek tili ham qoʻshildi“. Ozodlik radiosi (12-dekabr, 2014). Qaraldı: 14-dekabr, 2014.