Edinburg

Edinburg — Ullı Britaniyadaǵı qala esaplanıp, FertofFort qoltıǵı jaǵasında jaylasqan. Shotlandiyanıń bas qalası, Lotian rayonınıń basqarıw orayı bolıp tabıladı. Xalqı 380,5 mıń adam (2001). Transport jollarıniń iri kóshe kesispesi esaplanadı. Zárúrli mádeniyat hám sanaat orayı bolıp tabıladı. Qaǵaz, poligrafiya, azıq-awqat (atap aytqanda, pivo pisiriw hám viski islep shıǵarıw), mashinasazlıq (medicina ásbapların islep shıǵarıw, priborsazlıq, elektrotexnika, radioelektronika), ximiya (farmacevtika, tóginler islep shıǵarıw) kárxanaları bar. Universitet (16-ásir den), Shotlandiya akademiyası, observatoriya, Shotlandiya Korollik muzeyi, Milliy muzey, Milliy galereya, Edinburg munitsipal muzeyi hám basqalar bar. Qala 6-ásirden baslap belgili bola baslaǵan. 15-ásirden baslap Shotlandiya paytaxtı esaplanadı. Arxitekturalıq esteliklerden burınǵı patsha sarayı (11-16-ásirler), Shotlandiya patshaları sarayı (1128) hám basqalar 11-19-ásirlerde qurılǵan imaratlar saqlanǵan.

<meta content="uz" http-equiv="content-language" /> <meta content="Accept,Accept-Language" http-equiv="vary" />