Edinburgh
| Edinburgh | ||
| ||
| Kelk imaji pri Edinburgh. | ||
|
| |
| Standardo | Blazono | |
| Lando: |  Skotia
| |
Informo:
| ||
| Latitudo: | 55°57'00" N | |
| Longitudo: | 3° 11' 56" W | |
| Altitudo: | 47 m | |
| Surfaco: | 264 km² | |
| Habitanti: | 488 050 (2016) | |
| Denseso di habitantaro: | 1828 hab./km² | |
| Horala zono: | UTC+0 (UTC+1 dum la somero) | |
| Urbestro: | Frank Ross | |
Mapo:
| ||
| ||
Oficala retosituo:
| ||
| www.edinburgh.gov.uk | ||
Edinburgh (pronunco: edinbro) esas la chef-urbo e maxim populoza urbo di Skotia, e la 2ma maxim populoza Britaniana urbo, dop London. Segun la demografiala kontado di 2016, ol havis 488 050 habitanti. Lua tota surfaco esas 264 km². Ol agnoskesas kom chef-urbo di Skotia de adminime la 15ma yarcento, ed esas la sideyo di la guvernerio di Skotia e di Skota Parlamento. La palaco Holyroodhouse esas un ek l'oficala rezideyi de la Rejala Familio Britaniana.
Ol esas importanta turistala urbo del Unionita Rejio, esante la 2ma maxim vizitata urbo de la lando. Ol ank esas importanta centro edukala dil Unionita Rejio, nome pro lua Fakultato pri Medicino. L'Universitato di Edinburgh, fondita en 1582 ed un ek la tri universitati del urbo plasizesas la 20ma rango en la listo QS World University Rankings pri la 800 maxim importanta universitati de la mondo.
Geografio
[redaktar | redaktar fonto]
La reliefo di Edinburgh esas partale kolinoza, okupanta streta brecho inter estuario Firth of Forth norde, e kolini Pentland sude, en regiono qua originis de volkanal agado 350 til 400 milion yari ante nun, e pose periodi di intensiva glaciizo. La portuo di Edinburgh jacas en plana regiono, nomizita Leith. Lua mezavalora altitudo esas 47 metri super la marala nivelo.
La klimato dil urbo esas moderema oceanala (Cfb segun la klimatala klasifikuro da Köppen). La mezavalora temperaturi en decembro e januaro (vintro) esas 4,5°C, kontre ke la mezavalora temperaturo en julio (somero) esas 15,4°C.
La mezavalora yarala pluvo-quanto esas 727,7 mm, e la maxim pluvoza monato esas oktobro, kun mezavalore 75,7 mm. Ne existas monato komplete sika.
