Nintendo DS (შემოკლებით DS ან NDS) — ორეკრანიანი პორტატული ვიდეო თამაშების კონსოლი, რომელიც შექმნა და გამოსცა ნინტენდომ, 2004 წელს კანადაში, აშშ-ში და იაპონიაში. კონსოლი გასახსნელის დიზაინისაა, Game Boy Advance SP-ის მსგავსი, ორი ჩაშენებული LCD ეკრანით. ქვედა ეკრანი სენსორულია. Nintendo DS-ს ასევე აქვს ჩაშენებული მიკროფონი და ვაირლესი IEEE 802.11 (Wi-Fi), რომლის მეშვეობით მოთამაშეებს საშუალება აქვთ დაუკავშირდნენ ერთმანეთს. ეს იყო პირველი ნინტენდოს კონსოლი, რომელიც იაპონიამდე გამოიცა ჩრდილო ამერიკაში.
