[go: up one dir, main page]
Menyang kontèn

Sabun

Besut pranala
Saka Wikipédia Jawa, bauwarna mardika basa Jawa
Sabun batangan

Sabun iku salah siji senyawa kimia tuwa dhéwé kang tau dikenal.[1] Sabun iku ora kanthi aktual tinemu, nanging saka usaha ngembangaké campuran senyawa alkali lan lemak utawa lenga.[1] Sabun iku surfaktan kang umbah-umbah utawa ngresiki lan digunakaké kanthi pitulungan banyu.[2] Sabun iku diasilaké saka prosès saponifikasi, ya iku prosès hidrolis lemak dadi asem lemak lan gliserol ing kaanan basa.[2] Bahan kang lumrahé digunakaké ya iku NaOH (natrium/sodium hidroksida) lan KOH(kalium/potasium hidroksida).[2] Asam lemak kang sesambungan karo natrium utawa kalium iki kang dijenengaké sabun.[2]

Jinis-jinis Sabun

[besut | besut sumber]

Jinis-jinis sabun ya iku:[3]

  1. ''Toilet soap''
  2. ''Bar soap''
  3. ''Industrial soap'', kapérang dadi warna-warna jinis sabun, kaya ta
  • sabun régular
  • sabun kang akèh banget lemaké
  • sabun deodorant (anti mikrobial)
  • sabun busa
  • sabun transparan
  • sabun kanggo air keras

Tujuan Nggunakaké Sabun

[besut | besut sumber]

Ana pirang-pirang prakara kang dikarepaké bisa ditangani kanthi nggunakaké sabun, kaya ta ngangkat sél-sél kulit mati, sisa keringet, lebu, sarta lenga kang nutup kulit[4] Nanging ing jaman kang saya maju iki, tujuan nggunakaké sabun ora mung mandheg ing bab iku.[4] Supaya nambah kawigatén, mangka ditambahake bahan-bahan tartamtu kaya ta wewangén, warna, lan bahan-bahan liya kang bisa kanggo terapi lelara.[4]

Sabun Alami

[besut | besut sumber]

Saliyané manfaat kang ditawakaké, sabun uga duwé bab-bab kang prelu digatekaké supaya sabun ora dadi racun kanggo awak.[4] Kuwi amarga sabun akèh migunakaké bahan=bahan kimia.[4] Kanggo ngatasi prakara iku mangka saiki dikembangaké sabun alami.[4]

Gambar setara babagan kimia natrium stearat.

Bahan baku sabun alami bisa saka bumbon crakèn, janganan, lan woh-wohan kaya ta pang, lan gegodhongan kang ana ing alam sakiteré, kang utama bisa dimupangatake kang utawa wit pari utawa kanthi jeneng merang,[5]

  1. Anggur: nglarutaké lemak lan nglangsingké awak.
  2. Alpukat: marakaké lembab lan nyegah kerut-kerut kulit.
  3. Lulur: ngresiki, nyegeraké, lan marakaké wangi awak.
  4. Susu: mutihaké,nglembabaké kulit,nyegah flek-flek ireng, lan ngurangi pecah-pecak ing sikil.
  5. Pegagan: nyegah lan ngurangi selulit.
  6. Apel: nyegah kerut lan komedo.
  7. Bengkoang: ngaluské lan mutihaké kulit.
  8. Ketimun: gawé kenceng lan gurangi kadar lenga ing kulit.
  9. Cokelat: ngangkat sel kulit mati.
  10. Kopi: marasake tilas borok.
  11. Zaitun: nglembutaké lan nglembabaké kulit.
  12. Madu: ngenomké kulit lan ngilangake flek.
  13. Kunyit: ngilangi gatel,jamur, lan rang.
  14. Sirih: nyegeraké lan ngilangi ambu apek awak.
  15. Sereh: ngilangi pegel,kesel, lan rematik.
  16. Strawberry: ngencengaké otot lan payudara.
  17. Limau: nghilangi kukul lan ngaluské rai.
  18. Teh ijo: gawé kulit katon seger.
  19. Lengkuas: ngilangi panu lan jamur kulit.
  20. Kemangi: ngrumat lan ngarumaké organ vital.
  21. Wortel: nyegah kanker kulit.
Wikimedia Commons duwé médhia ngenani soap.

Cathetan suku

[besut | besut sumber]
  1. ↑ a b majarimagazine Archived 2011-05-19 at the Wayback Machine.(kaunduh tanggal 20 April 2011)
  2. ↑ a b c d lita.inirumahku.com Archived 2011-10-30 at the Wayback Machine.(kaunduh tanggal 20 April 2011)
  3. ↑ kuliah.wikidot.com(kaunduh tanggal 20 April 2011)
  4. ↑ a b c d e f [1][pranala mati permanèn](kaunduh tanggal 20 April 2011)
  5. ↑ [2][pranala mati permanèn](kaunduh tanggal 20 April 2011)
Dijupuk saka "https://jv.wikipedia.org/w/index.php?title=Sabun&oldid=1675619"