Gunung Kawi
| Gunung Kawi | |
|---|---|
 | |
| Èlevasi | 2,551 metres (8,369 ft) |
Gunung Kawi ya iku sawijiné gunung geni kang ana ing Jawa Wétan, Indonésia, ana ing jèjèré Gunung Butak.[1] Nanging nganti saiki durung ana cathetan kang nerangaké yèn gunung kawi iku njeblug utawa mbledhos.[1] Gunung Kawi mapan ana ing sisih kulon kutha Malang, gunang kawi uga obyek wisata kang patut diparani nalika dolan ning Jawa wétan, amarga uniké gunung iku.[1] Gunung iki duwé dhuwur 2,551 mèter, obyek wisata iki luwih patut dijenengi dadi "kutho ing gunung".[1] Ing kéné para wisatawan ora bakal ngrasakaké sepi kaya ing gunung liyané, nanging ing kéné bakal disogati pamandangan alam kang mirib kaya ing nagari tiongkok nalika jaman biyèn.[1] Saliyané dadi papan wisata, Gunung Kawi uga dipercaya dadi papan sarana pasugihan.[2]
Ing sadawané dalan ing gunung kawi, bakal tinemu yasan-yasan arsitèktur khas Tiongkok, ing kana ana kuil/klenteng panggon kanggo sembahyang aliran Kong Hu Cu.[2] Lumrahé wong-wong Tionghoa mara ing kana ing dina-dina mirunggan kanggo ritual keagamaan kaya ta njaluk kaselametan, giam si, ci suak lan sapanunggalané, nanging uga akèh kang mung klèncèr.[2] Ing kana uga akèh panginepan utawa hotèl, losmen, lan omah-omah para warga kang bisa diséwa kanggo nginep.[2]
Cathetan suku
[besut | besut sumber]- ↑ a b c d e Gunung Kawi Archived 2011-08-21 at the Wayback Machine.(27 Agustus 2011)
- ↑ a b c d Gunung Kawi Archived 2011-09-05 at the Wayback Machine.(27 Agustus 2011)
| Artikel iki minangka artikel rintisan. Kowé bisa ngéwangi Wikipédia ngembangaké. |