Gunung Awu
| Gunung Awu | |
|---|---|
| Èlevasi | 1,320 metres (4,330 ft) |
| Prominèn | 1,320 metres (4,330 ft) |
Gunung Awu inggih punika salah satunggaling gunung ing Indonésia ingkang dumunung ing Kapuloan Sangihe, Sulawesi Utara. Gunung Awu mapan wonten ing koordinat 3°41'5"N 125°27'5"E.[2] Gunung Awu kalebet jinis gunung stratovolcano ingkang dumunung ing Pulo Sangihe Besar, Kapuloan Sangihe. Dhuwuripun gunung Awu inggih kirang langkung 1320 mèter saking nginggil laut, nanging mnwi dipunetang saking ngandhap laut, dhuwuripun ngantos 3.300 mèter.[3] Gunung Awu sampun naté njeblug nalika taun 1711, 1812, 1856, 1875, 1883, 1885, 1892, 1893, 1913, 1921, 1922, 1930, 1966, 1992, lan ingkang pungkasan ing taun 2004 ingkang njalari kirang langkung 8000 tiyang lampus.[1] Gunung Awu inggih punika salah satunggal saking 129 gunung geni ingkang wonten ing lintasan cincin aapi nusantara sanajan boten mapan wonten ing lempeng Ingo-AAustralia, Pasifik utawi Eurasia nanging mapan wonten ing lempeng Filipina.[3] Awu wonten ing Basa Sangihe tegesipun abu utawi turahan, saéngga masarakat Sangihe kathah ingkang pitados bilih Gunung Awu ingkang sapunika namung turahan saking Gunung Awu ing jaman kala rumiyin ingkang naté damel katastrofi ingkang ageng sanget. Gunung Awu sapunika tebihipun namung 5-7 kilomèter saking kampung-kampung sakiteripun. Ing sakitering gunung Awu katingal kebon-kebon klapa saha pala, saha rame kaliyan wontenipun griyanipun para warga, lan ugi ing rikala wekdal katingal kabut. Laladan ing sakitering gunung awu saged paring siti ingkang subur kanthi pakebonan pala, cengkeh, saha klapa gadhahipun para masarakat.
Sajarah
[besut | besut sumber]Gunung Awu inggih salah satunggaling gunung stratovolcano ingkang papanipun wonten ing sisih lor Pulo Sangihe Besar, Kapuloan Sangihe.[4] Gunung awu dhuwuripun 1320 mèter saking sak nginggiling toya laut. Nanging manawi dipunukur saking dhasaring laut, dhuwuripun gunung awu saged ngantos 3.300 mèter. Saking cathetan Smithsonian Global Volcanism Program, Gunung Awu naté njeblug ing taun 1640-1641, 1711, 1812, 1856, 1875, 1883, 1885, 1892, 1893, 1913, 1921, 1922, 1930, 1966, 1992, saha ingkang kaping pungkasan ing taun 2004. Cacahipun kurban gunung njeblug saged ngantos 8000 tiyang saha ewunan tiyang kénging cidra, pemukiman ingkang risak, saha pengungsian ingkang ageng-ageng. Saking sadaya prahara gunung njeblug ingkang sampun kadadosan, jeblugan ingkang paling ageng kadadosan ing taun 1711, 1856, saha taun 1966.
Uga delengen
[besut | besut sumber]Cathetan suku
[besut | besut sumber]- ↑ a b "Awu". Global Volcanism Program. Smithsonian Institution. Diarsip saka sing asli ing 2012-09-29. Dibukak ing 2006-12-31.
- ↑ Gunung Awu Indonésia (dipunundhuh tanggal 30 Oktober 2012)
- ↑ a b Gunung Awu antara Mitos dan Kenangan akan Kehancuran Archived 2012-08-25 at the Wayback Machine. (dipunundhuh tanggal 30 Oktober 2012)
- ↑ [1] Archived 2016-03-05 at the Wayback Machine. Gunung Awu (dipunundhuh tanggal 12 Januari 2013)
