Kübra Əliyeva, Fariz Xəlilli, Gülşən Hüseynova, Aidə Məlikova. Kənd həyat tərzinin inkişafında qadınların rolu layihəsi. Nəticələr, təkliflər, tövsiyələr. Bakı: QHT Nəşriyyatı, 2016, 2016
Son dövrlər ölkəmizdə dövlət tərəfindən həm maddi, həm də qeyri-maddi mədəni irsimizin bərpası və... more Son dövrlər ölkəmizdə dövlət tərəfindən həm maddi, həm də qeyri-maddi mədəni irsimizin bərpası və qorunması, tanıdılması istiqamətində tədbirlər və QHT-lərə dəstək nəzərəçarpacaq qədər artmışdır. Lakin, görülən bütün işlərə, tariximiz, milli və mədəni irsimiz sayılan xalçaçılıq və toxuma sənəti əsasən gənclər və yetişən nəsil, xüsusilə bu əsərləri yaradan qadınlar arasında unudulmaqdadır. Bütün bunların baş verməsinə səbəb çox vaxt yerli əhalidə yetərincə məlumatın olmaması, yerli çeşnilərin unudulması, bu istiqamətdə təbliğatın, maarifləndirmə və tanıtım işlərinin az olması, bəzən heç olmamasıdır. Qızların bu sənətin incəliklərindən məlumatsız olması, yerli əhalinin demək olar ki, bu işlə məşğul olmaması ciddi problem sayıla bilər. Bu isə nəticə etibarilə sənətin unudulmasına səbəb olur. “Kənd həyat tərzinin inkişafında qadınların rolu” layihəsinin məqsədi Azərbaycanda yaşayan əhalinin ahıl, tənha və aztəminatlı ailələrinin, xüsusilə qadınların sosial vəziyyətinin yaxşılaşması və onların asudə vaxtlarının səmərəli təşkilinə dair təşəbbüslərə dəstək verməkdir. Ağsu rayonunun Gəgəli, Bico və Qəşəd kəndlərində müxtəlif yaş kateqoriyalarına və ictimai durumuna malik olan qadınların kənd həyat tərzinin inkişafında tarixən keçdiyi yol, ənənəvi təsərrüfat sahələri, xüsusilə ev sənətkarlığı haqqında araşdırmaların aparılması, nəticələrin ümumiləşdirilməsi, təklif və tövsiyələrin hazırlanması, praktiki işlərin təşviq edilməsi, yeniliklərin kəndlərə gətirilməsi və s. məqamlara diqqət göstərilməsi layihənin əsas predmeti olub. Ölkəmizin iqtisadiyyatında mühüm rol oynayacaq qeyri-neft sektorunun inkişafı, bölgələrdə yeni iş yerlərinin yaradılması və unudulmaqda olan incəsənət növlərinin son dövrlərdə dünyada iqtisadiyyat növləri arasında geniş yayılmış mədəni istehsal sahəsinə çevrilməsi xüsusilə önəmlidir. Maddi, tarixi, mədəni irsimizi qorumaqda əsas məsuliyyət həm də QHT-lərin üzərinə düşür. Bunun üçün mədəni irs, tariximizin araşdırılması ilə məşğul olan xüsusi mütəxəssislərlə iş birlikləri qurulmalı, bu istiqamətdə təlimlər, seminarlar və s. keçirilməli, təsərrüfat birlikləri yaradılmalıdır. Bütün bunlar son nəticədə bölgələrdə məşğulluğun artmasına, yeni təsərrüfat subyektlərinin yaranmasına, xalq tətbiqi sənət növlərinin dirçəlməsinə və bölgələrə turist axınının artmasına səbəb olur. Ahıl, tənha və aztəminatlı ailələrdəki qadınların sosial vəziyyətinin yaxşılaşması və onların asudə vaxtlarının səmərəli təşkil olunması mümkün olur. Beləliklə, MİRAS Mədəni İrsin Öyrənilməsinə Kömək İctimai Birliyi Azərbaycan Respublikasının Prezidenti yanında QeyriHökumət Təşkilatlarına Dövlət Dəstəyi Şurasının maliyyələşdirdiyi “Kənd həyat tərzinin inkişafında qadınların rolu” layihəsi 2016-cı il 10 may – 10 noyabr tarixlərində həyata keçirilib.
Bookmarks Related papers MentionsView impact
Uploads
Books by Aida Malikova