Syllogismo

Syllogismo
instantia de: technical term[*]
subclasse de: logica, Rationamento, argument[*], deductive reasoning[*]
Commons: Syllogisms

In le logica, un syllogismo es un rationamento que consiste de tres propositiones, le ultime del quales se deduce necessarimente del altere duo.

Le duo prime propositiones se appella premissos; le tertie se denomina conclusion. Le duo terminos que entra in le premissos e in le conclusion se appella extremos (major e minor), e lo que solmente entra in le premissos recipe le nomine de medio.

Structura del syllogismos

Le syllogismos presenta le sequente structura:

1. Premisso major: regula general o major
2. Premisso minor: cognoscentia que se trova sub le condition del regula.
3. Conclusion: application del regula a iste caso.

Exemplos

Vamos vider alcun exemplos de uso del syllogismos:

Exemplo 1

1. Tote le humanos es mortal
2. Tote le investigatores es humanos
3. Conclusion: tote le investigatores es mortal

In su uso pur, le ration tende a subordinar le condition que appare in le premisso major (Tote le humanos es mortal) a un condition totevia plus general, convertente se in un condition de iste. Isto se denomina prosyllogismo o syllogismo reductive.

Exemplo 2

1. Tote le animales es mortal
2. Tote le humanos es animal
3. Conclusion: Tote le humanos es mortal

Nos ha date un passo avante in le generalisation.

Exemplo 3

1. Tote le viventes es mortal
2. Tote le animales es vivente
3. Conclusion: tote le animales es mortal

Idea transcedental

In virtute de iste movimento reductive, le ration tende super un condition inconditionate, tentante reducer toto a un unitate superior e inconditionate denominate idea trascendental.

Le ideas trascendental es conceptos pur del ration a priori, e significa le unification de tote le cognoscentias del comprehension, mediante su remission a principios original e conditionate que constitue le limite de nostre cognoscentia possibile.