Fufu

dish, swallow, West African cuisine, food
Part of	African cuisine
Get use	eating
Continent	Africa
Country	Ghana, Nigeria, Liberia, Togo, Benin
Country of origin	Ghana
Fabrication method	cooking
Used by	eating

Fufu (anaa fufuo, foofoo, foufou) be pounded chow wey dey West African cuisine insyd.^[1]^[2] Ebe Twi word wey de komot from de Akans wey dey Ghana. Dem expand de word so say ego include several variations of de pounded chow wey dey in oda African countries wey dey include Sierra Leone, Guinea, Liberia, Cote D'Ivoire, Burkina Faso, Benin, Togo, Nigeria, Cameroon, de Democratic Republic of the Congo, de Central African Republic, de Republic of the Congo, Angola plus Gabon.^[3]

De main ingredient dem de take do de fufu be boiled cassava, plantains den Cocoyam, yams (Ghana), but dem get different ways wey dem dey do am for oda West African countries; every country biaa get ein unique way dem dey make am. For Ghana, Ivory Coast den Liberia insyd, dem dey use de method of separately mixing plus pounding equal portions of boiled cassava plus green plantain anaa cocoyam, anaa dem dey mix cassava/plantains anaa cocoyam flour plus water den dem go stir am for stove top. For ein thickness, de person wey dey prepare am go adjust am how edey like am den dem go chop am plus broth-like soups. For Nigeria insyd, dem dey make de fufu (akpu) from fermented cassava p3, wey dey give am ein unique thickness compared to de ones dem get for oda West African countries wey dem dey chop plus variety of soups wey get vegetables den bunch beef den fish.^[4]