Abu Nuwas

Abu Nuwas
Hetã	Kalifáto Mbohapyha
Hembiapo	ñe'ẽpapára y haihára
Jokuaikuaa rape	Islã
[editar datos en Wikidata]

Abū Nuwās al-Hasan Ibn Hāni' al-Hakamī (Ahvaz, Irã, 747-Bagdad, 815), ojeherónte Abū Nuwās térã Abu Novas, ha'e akue peteĩ ñe'ẽpapára árave ikatupyryitéva. Heñói Péysia-pe, ko'ágã tetã Irã yvy, itúva árave ha isy Péysia pegua. Ojegueromandu'a py'ỹinte Abu Nuwas tavarandúpe, techapyrãme pe mombe'ugua'u Su ha peteĩ pyhare oñe'ẽite chugui.

Hembiapokuépe oñe'ẽ pe oñe'ẽse rehegua, ohai chokokue rekove ha tavaguasu arandupy rehegua, heta ohai kaguy ha jey'urã oporomonga'úva, akãraku ha kuimba'e rayhu, ha mba'e haguyrõ rehegua, upévare heta umíva ojokose ha omboguese hembiapo. Techapyrãme, ary 2001 jave Ehítope ojehapy 6000 aranduka orekóva Abu Nuwas rembiapokue, umíva apytépe oĩ ñe'ẽpoty upéicha:

Nde Cherayhu?
Ahechávo ako mitãkaria'y porã,
vy'apópe opukavy.
Ore mokõivévante, taha'e ha'éva,
Ñandejára ndive. Upeicharamo jepe,
omoĩ ipo che pópe
ha heta oñe'ẽ chendive;
upéi he'i chéve "nde cherayhu?".
"Rohayhuiteve mborayhúgui".
"Ha upévare -he'i-,nde chepota?".
"Opamba'e nderehe aipota".
"Ekyhyjénte ha cheresaráikena..."
"Che ñe'ã iñe'ẽrenduséramo chéve..."

Oñembohasa avañe'ẽme Alfonso Bolado rembiapokuégui

Omano rire, hembiapokue oñemono'õ umi karai arandu al-Suli ha Hamza al-Isbahani rupive. Ojeikuaa amo 13 000 iñe'ẽpoty.

tekove ha tembiapokuéra

Ituvá, Hani, Abu Nuwas ndoikuaáiva, oúva pe tribu árave Banū Sa'd-gui ha ha'e'akue peteĩ Marwan II ñorairõhara, ha isy Golban, ha'eva tejedora, ha'e kuri Péysia-gua, upévare oñe'ẽ imitãgui araveñe'ẽ ha péysiañe'ẽ.