Sylvia Kristel

Sylvia Kristel
	;
Biografía
Nacemento	(en) Sylvia Maria Kristel ; 28 de setembro de 1952 ; Utrecht, Países Baixos
Morte	17 de outubro de 2012 (60 anos); A Haia, Países Baixos
Causa da morte	cancro do esófago; cancro de pulmón
Lugar de sepultura	Utrecht
Actividade
Ocupación	actriz
Período de actividade	1973 - 2010
Xénero artístico	Erotismo
Obra
	Obras destacables (1974) Emmanuelle (pt) ;
Familia
Parella	Ian McShane (1977–1980); Hugo Claus (1973–1977); Michel Polnareff
Descrito pola fonte	1001 vrouwen in de 20ste eeuw (en) ; Obálky knih, ; Babepedia (en)

Sylvia Kristel, nada en Utrecht o 28 de setembro de 1952 e finada en Ámsterdam o 17 de outubro de 2012^[1], foi unha actriz, modelo e cantante holandesa. O seu papel de maior sona foi o de protagonista do filme erótico francés Emmanuelle en 1974.

Inicios

Comezou a súa carreira profesional coma modelo adolescente, sendo escollida Miss TV Europe no 1972

Emmanuelle

Kristel acadou sona en todo o mundo ó protagonizar en 1974 a súa primeira película, Emmanuelle, baseada na novela homónima de Emmanuelle Arsan, e dirixida por Just Jaekin. A actriz cobrou pola súa participación 150.000 dólares, recadándose entre 50 e 350 millóns de dólares.

Posteriormente protagonizou varias secuelas, como Emmanuelle 2 (1975), Goodbye Emmanuelle (1977) e Emmanuelle 4 (1984).

Outras actuacións

Malia ser basicamente coñecida pola súa participación en películas de contido erótico, coma as da saga Emmanuelle, Kristel interpretou personaxes como Lady Chatterley, nunha adaptación da novela de 1981, O amante de Lady Chatterley, ou a espía Mata Hari.

Sylvia Kristel en París, co gallo do documental sobre a súa vida o 25 de setembro de 2007.

Últimos anos

Logo de superar un cancro de gorxa no 2003 retomou a súa actividade interpretativa, e no 2006 publicou as súas memorias co título de Nue (Espida).